ወንድወሰን ጥበቡ | ቅዳሜ ነሀሴ 21 ቀን 2008 ዓ.ም

የእንግሊዝ ብሄራዊ ቡድን አባሉ ዴል አሊ ብቃቱን መልሶ ለማግኘት ጥረት እያደረገ የሚገኝ ቢሆንም፣ ባለፈው ሳምንት ከክሪስታል ፓላስ ጋር በተደረገ ጨዋታ ከተቀያሪ ወንበር ላይ ተነስቶ በመግባት ፈጣን የሆነ ተፅእኖውን በጨዋታው ላይ ማሳረፍ ችሏል። 

ስፐርሶች እስካሁን የተሟላ ብቃታቸውን ማሳየት አልጀመሩም። ነገር ግን ዴል አሊ የሞሪሲዮ ፖቸቲኒን የቡድን ሞተር በማሟሟቅ ነፍስ እንደሚዘራበት ይጠበቃል።

የየርገን ክሎፑ ሊቨርፑልም ቢሆን ብልጭ ጥፍት የሚል ወጥነት የጎደለው አጨዋወቱን ተያይዞት ይገኛል። 

አዲስ ፈራሚ ሳዲዮ ማኔ የጨዋታ ለውጥ ፈጣሪ ሆኖ በቀዮቹ ቤት ያለውን ጅማሮ ብሩህ በማድረግ ለይ ይገኛል። እሱ መሰለፍ በቻለባቸው ሁለት መደበኛ የነጥብ ጨዋታዎች ክለቡ ዘጠኝ ግቦችን ማስቆጠር ችሏል።

ቁጥራዊ መረጃዎች…

ቶተንሃሞች ከሊቨርፑል ጋር ያደረጓቸውን የባለፉት የመጨረሻዎቹ ተከታታይ ሰባት ጨዋታዎችን ማሸነፍ አልቻሉም። በእነዚህ ጨወታዎችም በአምስቱ ሲሸነፉ በድምሩ 19 ግቦች መረባቸውን ደፍሯል።

በዚህ ጨዋታ የሚጠበቁ ተጫዋቾች…

ከሳዲዮ ማኔና ከዳንኤል ሰተሪጅ መካከል አንዱን ለመምረጥ ቢያስቸግርም። ነገር ግን ሳዲዮ ማኔ ከሳውዝሃምፕተን ሊቨርፑልን ከረገጠበት ጊዜ አንስቶ በቀዮቹ ቤት ብቃቱን በሚገባ ማሳየት ችሏል። ሞሪሲዮ ፖቸቲኒ ተጫዋቹን ለማቆም የሚያደርጉት ጥረት ይህን ጨዋታው እንድንመለከተን ከሚያጓጉን አጋጣሚዎች መካከል አንዱ ነው።

ስተሪንጅን ስንመለከት ተጫዋቹ ወደክንፍ ወጥቶ እየተጫወተ ያለበት ወቅተዊ ቦታው እንዳልተመቸው ገልፅዋል። ይህ የተጫዋቹ ደስተኛ አለመሆን ተጫዋቹ ኳስን ለማግኘት አስፍቶ ለመጫወት የሚገደድ በመሆኑ የክለቡን አጠቃላይ ሚዛን ሊያዘባው ስለሚችል በዚህ ጨዋታ ላይ የመሰለፍ ዕድሉ ጠባብ ነው። ይሁን እንጂ የርገን ክሎፕ በእርሳቸውና በተጫዋቹ መካከል አለ ስለሚባለው ቅራኔ የማስተባበያ ምላሽ ስጥተዋል።

ያለፉት ሶስት ጨዋታዎቻቸው…

ሊቨርፑል 1 (ኮቲንሆ)
ቶተንሃም 1 (ኬን)፣ በፕሪሚየር ሊጉ፣ የካቲት 2016

ቶተንሃም 0
ሊቨርፑል 0፣ በፕሪሚየር ሊጉ፣ ጥቅምት 2015

ሊቨርፑል 3 (ማርኮቪች፣ ጄራርድ፣ ባላቶሊ)
ቶተንሃም 2 (ኬን፣ ዴምቤሌ)፣ በፕሪሚየር ሊግ የካቲት 2015

የቶተንሃም ግምታዊ አሰላለፍ…

ቮርም፣ ዎከር፣ አልደርዊረልድ፣ ቨርቶግኸን፣ ሮዝ፣ ዳየር፣ ዋንያማ፣ ላሜላ፣ አሊ፣ ኤሪክሰን፣ ኬን

የሊቨርፑል ግምታዊ አሰላለፍ…

ሚኞሌ፣ ክላይን፣ ሎቭረን፣ ክላቨን፣ ሚልነር፣ ለላና፣ ሄንደርሰን፣ ዊናልደም፣ ማኔ፣ ፊርሚኖ፣ ኮቲንሆ

ወቅታዊ ውጤቶች…

ቶተንሃም፡ አቻ፣ ድል
ሊቨርፑል፡ ድል፣ሽን፣ ድል

ጠቃሚ መረጀዎች…

ቀን፦ ቅዳሜ ነሃሴ 21 ቀን 2008 ዓ.ም

ሰዓት፦ ቀትር 8፡45

የጨዋታው ዳኛ፦ ቦብ ማድሊ

ቀጥታ የቴሌቭዥን ስርጭት፦ ኢትዮጵያን ጨምሮ ከሰሃራ በታች ሱፐር ስፖርት 3፣ በሰሜን አፍሪካና በመካከለኛው ምስራቅ ቤን ስፖርት 11

Advertisements