ወንድወሰን ጥበቡ | ማክሰኞ ነሃሴ 24 ቀን 2008 ዓ.ም


ዌስትሃም በክረምቱ ለሊዮኑ አጥቂ አሌክሳንደር ላካዜት ዝውውር ያቀረበው የ50 ሚ.ዩሮ ጥያቄ አለመሳካቱን የፈረንሳዩ ክለብ ፕሬዝዳንት ገልፀዋል።

እንደፕሬዝዳንቱ ዢን ሚሼል ኦላስ መረጃ ከሆነ 50 ሚ.ዩሮ (42.7 ሚ.ፓ) የዝውውር ዋጋ በዌስትሃም ቀርቧል።

ይሁን እንጂ ሊዮን ጥያቄውን ውድቅ እንዳደረገው ኦላስ ለፈረንሳዩ የመረጃ ማሰራጫ ጣቢያ ኤስኤፍአር ስፖርት ተናግረዋል። 

ኦላስ እንዳሉት ከሆነም “ለአሌክሳንደር ላካዜቲ ዝውውር ከዌትሃም የቀረበውን የ50 ሚ.ዩሮ ጥያቄን ውድቅ አድርገነዋል። ለእሱ የቀረበን ከዚህም የበለጠ ጥያቄንም ውድቅ አድርገናል።” ብለዋል።

ከክረምቱ ሌላው የለንደን ክለብ አርሰናልም ለፈረንሳይ ብሄራዊ ቡድን ተጫዋቹ ያቀረበው የዝውውር ጥያቄም ውድቅ መደረጉ ይታወሳል።

የ25 ዓመቱ ላካዜቲ በፈረንሳዩ ሊግ 1 ላለፉት ሶስት የውድድር ዘመኖች ወጥ በሆነ ሁኔታ ግብ እያስቆጠረ የሚገኝ ተጫዋች ነው። በእነዚህ ጊዜያትም ለፈረንሳይ ብሄራዊ ቡድን  በ10 የነጥብ ጨዋታዎች ላይ መሰለፍም ችሏል።

የዌስትሃሙ አሰልጣኝ ስላቨን ብሊች በእዚህ የውድድር ዘመን መጀመሪያ ላይ አንዲ ካሮልን በጉዳት ያጡት ሲሆን፣ አዲስ ፈራሚው አንድሬ አየው በገጠመው የታፋ ጉዳትም ካሮልን ተቀላቅሎ ይገኛል።

በአዲሱ የውድድር ዘመን ወደለንደን ብሄራዊ ስታዲየም የተዛወረው ክለብ አሁድ ዕለት ከጁቬንቱስ ጣሊያናዊውን አጥቂ፣ ሲሞኒ ዛዛን ለአንድ የውድድር ዘመን  አዛውሯል።

Advertisements