Skip to content
Advertisements

የአ/አ ከተማ አሰልጣኝ ስዩም ከበደ ከ EAS ጋር አጠር ያለ ቆይታ አድርጓል

By Eyob & Zewdu

ነሀሴ 24/2008 ዓ ም(አዲስ አበባ)


የአዲስ አበባ ከተማ እግርኳስ ቡድን በ 2009 የኢትዮጵያ ፕ/ሊግ ላይ ተሳታፊ ከሚሆኑት አዲስ ቡድኖችውስጥ አንዱ ነው።

 አመቱን በመልካም እንቅስቃሴ ወደ ፕሪምየር ሊጉ ማለፍ የቻለው አ/አ ከተማ የአመቱን ረጅሙን ጉዞ በተመለከተ እንዲሁም በሌሎች ጉዳዮች አሰልጣኝ ስዩም ከበደ ከ ኢትዮአዲስ ስፓርት ጋር አጠር ያለ ቆይታ አድርጓል።

እኛም በሚመች መልኩ አጠር አድርገን አቅርበነዋል።

EAS– የአመቱን የከፍተኛ ሊግ ቆይታ እንዴት ትገልጸዋለህ?

አሰልጣኝ ስዩም ከበደ – አመቱ ብዙ የተወሳሰቡ ነገሮች ቢኖሩትም ደስተኛ ነበርን።ክለቡን የያዝኩት ሌሎቹ የቅድመ ውድድር ልምምዳቸውን ጨርሰው ወደ ውድድር ለመግባት በተዘጋጁበት ወቅት ስለነበር አዳዲስ የፈለግናቸውን ተጨዋቾች ለማሰባሰብ ተቸግረን ነበር ነገርግን መስተዳደሩ ከጎናችን በመሆኑ የቻልነውን አድርገናል።አመቱ ፈተና ቢበዛበትም ደስተኞች ነበርን።

EAS-ስለ ከፍተኛ ሊጉ በአዲስ መልክ መዋቀር ምን ትላለህ?

አሰልጣኝ ስዩም ከበደ – ከፍተኛ ሊጉ መዋቀሩ በጣም ጥሩ ነገር ነው።ረጅም ጊዜ በመፍጀቱ የቅድመ ልምምድ ጊዜያችን የተጣበበ ቢያደርገውም በቀጣዩ ማሻሻል ስለሚቻል መዋቀሩ ጥሩ ነው።
EAS-ቡድንህ በአዲስ ተጨዋቾች ቢዋቀርም እንቅስቃሴያቸው እና ውህደታቸው የተለየ ነበረ ከምን የመጣ ይመስልሀል?
አሰልጣኝ ስዩም ከበደ –  በአሰልጣኝነት ቆይታዮ ረጅም አመት አሳልፊያለው፣በየመን የነበረኝ ቆይታም የተሳካ ስለነበረ ብዙ ልምድ እንድቀስም ረድቶኛል።በአሰልጣኝነት ያገኘሁት ልምድም ጥሩ ቡድን እንድሰራ እንደረዳኝ አስባለው።

EAS-የነገው(እሮብ) የከፍተኛ ሊግ የማጠቃለያ ውድድር ለናንተ ትርጉሙ ምን ያህል ነው?ዝግጅታችሁስ?
አሰልጣኝ ስዩም ከበደ –የተለየ ዝግጅት አላደረግንም ነገርግን ጨዋታውን በጥሩ ውጤት ማጠናቀቅ እንፈልጋለን።እግርኳስ ታሪክ ነው በ 2008 ዓ ም 3ኛ ሆነን ለማጠናቀቅ የቻልነውን እናደርጋለን።አራቱ ቡድኖች አንድ ዙር ቢጫወቱ ወይም በጥሎ ማለፍ መልክ ተጫውተው ለዋንጫ የሚጫወቱት ቢለዩ ደግሞ ይበልጥ ጥሩ ነበር።ለወደፊትም እንደሚስተካከል አስባለው።

EAS-ቡድናችሁን ለማጠናከር ምን አስባችኋል።

አሰልጣኝ ስዩም ከበደ –አብዛኛውን ጊዜ ወደ ፕ/ሊጉ ማለፋችን ባለማረጋገጣችን ጥሩ ተጨዋቾች ለሌላ ቡድን ፈርመዋል።ነገርግን አሁንም ቢሆን ከአገር ውስጥም ሆነ ከውጭ ሀገር ተጨዋቾችን ለመጨመር እንሞክራለን።

EAS-ከፍተኛ ሊጉ ከተጠናቀቀ በኋላ የፕ/ሊግ ጨዋታች እስኪጀመሩ ያላችሁ የልምምድ እና ተጨዋቾችን የማዘዋወር ጊዜያችሁ አጭር ነው ምን አስተያየት አለህ?

አሰልጣኝ ስዩም ከበደ –እውነት ነው ያለን ጊዜ አጭር ነው።ተጨዋቾችን ለማስፈረም ሆነ ተመልሰን ወደ ልምምድ ለመግባት ያለን ጊዜ አጭር በመሆኑ ሌላው ፈተና ነው።ነገርግን ትንሽ እረፍት ሰጥተን ተመልሰን የተቻለንን ያህል ለመስራት እንሞክራለን።
EAS-ከመስተዳድሩ የሚደረግላችሁ ድጋፍስ እንዴት ይገለጻል?
አሰልጣኝ ስዩም ከበደ –መስተዳድሩ በሁሉ መንገድ ከጎናችን ናቸው።ቡድኑ ትልቅ እንዲሆን ምኞት አላቸው።የአመቱ ጨዋታችንን እየተፈራረቁ ተመልክተውታል።
EAS-ለነበረን ቆይታ እናመሰግናለን።

አሰልጣኝ ስዩም ከበደ –እኔም በጣም አመሰግናለው።

Advertisements
%d bloggers like this: