Advertisements
ትኩስ ዜናዎች

ፋሲል ከነማ የ 2008 ዓ.ም የከፍተኛ ሊግ አሸናፊ ሆነ

By Eyob Dadi


ዘንድሮ በአዲስ መልክ የተቋቋመው የኢትዮጵያ ከፍተኛ ሊግ የማጠቃለያ ጨዋታ ዛሬ በአበበ ቢቂላ ስታድየም ተጠናቋል።

ከሁለቱ ምድቦች ወደ ፕሪምየርሊጉ ሁለተኛ ሆነው ማለፍ የቻሉት አዲስ አበባ ከተማ እና ወልዲያ ከተማ የ3ኛ ደረጃ ለማግኘት በመጀመሪያው ጨዋታ ተጫውተዋል።

በመጀመሪያው ግማሽ በ አአ ከተማ የበላይነት የነበረው ሲሆን ተደጋጋሚ የጎል እድሎችን አግኝተዋል።

ነገርግን ጎል ለማግባት የበቁት እረፍት ለመውጣት ጥቂት ደቂቃዎች ሲቀሩት በአጥቂው ሀይሌ ነበር።

ሁለቱ ቡድኖች ለእረፍት በወጡበት ሰአት በስታድየሙ የጣለው ከፍተኛ ዝናብ የሁለተኛው ግማሽ እንዳይጀምሩ እንቅፋት ሆኖባቸዋል።

ከባድ ዝናብ ከጣለ በኋላ የስታድየሙ እይታ

ጨዋታውም ሊጀመር ከታሰበለት በ 1 ሰአት ያህል ዘግይቶ የሁለተኛው አጋማሽ ተጀምሯል።

ውሀማ በነበረው የአበበ ቢቂላ ስታድየም የቀጠለው የሁለተኛው ግማሽ ለአ/አ ከተማ የተመቸ አልነበረም።

ይልቁኑ በጉልበት የተሻለ አቀራረብ የነበራቸው ወልዲያዎች የተሻሉ ሆነው በተደጋጋሚ ጎል ለማግባት ሙከራ ያደረጉት ጥረት ሰምሮ በያሬድ ሀሰን አቻ መሆን ችለዋል።

አአ ከተማ አሸናፊ ከሆኑ በኋላ

ሁለቱ ቡድኖችበአቻ(1-1)በማጠናቀቃቸው ወደ ፍቅም አምርተዋል።ሜዳ ላይ የነበሩት ሁሉም ተጨዋቾች ፍቅም በመምታት የተሳተፉ ሲሆን በመጨረሻ 9-8 አሸናፊ የሆኑት አአ ከተማዎች ነበሩ።

በሁለተኛው ጨዋታ ለፍጻሜ የተገናኙት የየምድባቸው አሸናፊዎች ጅማ አባቡና እና ፋሲል ከነማ ነበሩ።

በጨዋታው ፉሲል ከነማ 3-1 በማሸነፍ የዋንጫ አሸናፊ ሆነዋል።ፋሲሎች ውጤቱን ከዚህ በላይ የማስፋት ብዙ አጋጣሚዎች ቢያገኙም ሊጠቀሙበት አልቻሉም።

ጎሎቹን ለፋሲል ከነማ ሄኖክ፣አብዱራህማን እና አቡበከር ሲያስቆጥሩ ለጅማ አባቡና ደግሞ አሜ መሀመድ ነበር።

ከጨዋታው ፍጻሜ በኋላ ለአሸናፊው ፋሲል ከነማ የዋንጫ ሽልማትና 60ሺ ብር ተበርክቶለታል።

ሁለተኛ ለወጣው ጅማ አባቡና ደግሞ የ 50ሺ ብር እንዲሁም ለ 3ኛ ለወጣው አአ ከተማ ሀ 40 ሺ ብር ተሸልመዋል።

የአመቱ ኮከብ ዳኛ 

ፌዴራል ኢብራሂም አጋዝ 7 ሺ ብር

ረዳት ዳኛ 

ፌዴራል ተስፋዮ በየነ 6ሺ ብር

ኮከብ ጎል አስቆጣሪ

 አሜ መሀመድ 21 ጎል በማስቆጠር 12 ሺ ብር

የአመቱ ምርጥ ግብ ጠባቂ 

ተ/ማርያም ሻንቆ 12 ሺ

ኮከብ ተጨዋች 

አብዱራህማን ሙባረክ 12ሺ ብር

ኮከብ አሰልጣኝ 

ዘማርያም ወ/ጊዮርጊስ 12 ሺ ብር

የስፓርታዊ ጨዋነት ተሸላሚዎች

ኢትዮ ውሀ ስራዎች እና አአ ከተማ

Advertisements
About ዕዮብ ዳዲ (1236 Articles)
ይህን ጽሁፍ ያዘጋጀሁላችሁ የኢትዮአዲስ ስፓርት ድረገጽ አዘጋጅ እና የስፓርት ፀሀፊ ዕዮብ ዳዲ ነኝ።
%d bloggers like this: