Advertisements
ትኩስ ዜናዎች

የሙሉጌታ ምህረት የሽኝት ጨዋታን አስመልክቶ አዘጋጆቹ መግለጫ ሰጥተዋል

image


በእዬብ ዳዲ|ነሀሴ 28፣2008


የቀድሞ የሀዋሳ፣የቅ/ጊዮርጊስ፣የደደቢትና የኢትዮጵያ ብ/ቡድን ተጨዋች የነበረው ሙሉጌታ ምህረት በቅርቡ ጫማውን መስቀሉ ይታወሳል።

ሙሉጌታ የመጨረሻ ጨዋታውን በአዲስ አበባ ስታድየም ቅ/ጊዮርጊስ ሀዋሳ ከነማን ባስተናገደበት ጨዋታ ላይ የተሸኘ ሲሆን በእለቱ የተለያዩ የምስጋና እና የማስታወሻ ሽልማቶች ተሰጥተውት እንደነበር ይታወቃል።

ተጨዋቹ በእግርኳስ ቆይታው ያሳለፈው 16 አመት በፍጹም ስፓርታዊ ጨዋነት በመሆኑ ለሌሎች ተጨዋች መልካም አርአያ ለመፍጠር ኮሚቴ በማዋቀር መስከረም 22 ላይ የሽኝት ጨዋታ ተዘጋጅቶለታል።

ይህንንም አስመልክቶ የፕሮግራሙ አዘጋጆች በሀዋሳ ሴንትራል ሆቴል ዛሬ እሁድ ከ 3:50 ጀምሮ መግለጫ ሰጥተዋል።

አዘጋጆቹ መስከረም 22 ላይ በሀዋሳ ስታድየም በ 4 ቡድኖች መካከል የሚደረግ የእግርኳስ ጨዋታ አዘጋጅተዋል።

ተሳታፊ ክለቦችም ተጨዋቹ የተጫወተበት ሀዋሳ ከነማ፣ቅ/ጊዮርጊስና ደደቢት ሲሆኑ ተጨማሪ አንድ ቡድን እጣ በማውጣት ወላይታ ዲቻ ተጨማሪ እንዲሆን እንደተደረገ አዘጋጆቹ ገልጸዋል።

ሁለት አሸናፊ ቡድኖችም ለዋንጫ እንዲጫወቱ የሚደረግ ይሆናል።

በሽኝቱ ፕሮግራም ላይ የተለያዩ ፕሮግራሞች የተዘጋጁ ሲሆኑ ለተሳታፊ ቡድኖች ከነገ ጀምሮ ደብዳቤ በመላክ ፈቃዳቸው ከታወቀ በኋላ እንደሚያሳውቁ ተናግረዋል።

ሙሉጌታ ምህረት ደደቢት በነበረበት ወቅት ከ መብራት ሀይል ጋር በነበረው ጨዋታ ላይ የተመለከተው ቢጫ ካርድ በ 16 አመቱ የእግርኳስ ህይወቱ የተመለከተው ብቸኛ ቢጫ ካርዱ ነው።

ይህ በስነምግባር የታነጸ ቆይታው ለሌሎች ወጣት ተጨዋቾች አርአያ እና ምልክት በመሆን ከቅርብ ጊዜ ወዲህ እየታየ ያለው የስፓርታዊ ጨዋነት ማሸነፊያ መንገድ ለማድረግ እንደሚያስቡ አሳውቀዋል።

አዘጋጆቹና ሙሉጌታ ምህረት ከመድረኩ የቀረበላቸውን የተለያዩ ጥያቄዎችን በመመልስ መግለጫውን አጠናቀዋል።

ሙሉጌታ በእግርኳስ ቆይታው ተረጋግተው የሚጫወቱ የመሀል አማካዮች እንደ ሙሉአለም ረጋሳ፣አሸናፊ ግርማ፣ሽመልስ በቀለ እና መሱድ መሀመድ አይነት ተጨዋቾች እንደሚያደንቅ ተናግሯል።

1992-1997 በሀዋሳ ከነማ

1998-1999 ቅ/ጊዮርጊስ

2000-2001 ሀዋሳ ከነማ

2002-2003 በደደቢት

2004-2008 በሀዋሳ ከነማ መጫወት እንደቻለ ይታወሳል።

Advertisements
%d bloggers like this: