Skip to content
Advertisements

​ኤሪአ እና የኢትዮጵያ እግርኳስ ፌዴሬሽን ስምምነት እንደፈጸሙ በድጋሚ አሳወቁ

By Eyob Dadi

ቅዳሜ ነሃሴ 28፣ 2008


(ሃዋሳ) የጣሊያኑ የስፖርት ትጥቅና የፋሽን ልብሶች አምራች የሆነው ኢሪኣና የኢትዮጵያ እግር ኳስ ፌዴሬሽን በሃዋሳ ሃይሌ ሪዞርት የትጥቅ ስምምነት  ማድረጋቸውን በድጋሚ ይፋ አድርገዋል።

የኢትዮጵያ ብሄራዊ ቡድን ለአፍሪካ ዋንጫ ማጣሪያ የመጨረሻውን ጨዋታ ዛሬ ከቀትር በኋላ 10:00 ላይ ከሲሸልስ ጋር ያደርጋል።
ለጨዋታውም በሀዋሳ ስታድየም ልምምዱን ሲያደርግ የቆየ ሲሆን የሲሸልስ ብሄራዊ ቡድን በበኩሉ አርብ አመሻሹ ላይ የመጀመሪያውን ልምምዱን አድርጓል።

የኢትዮጵያ ብሄራዊ ቡድን የጣሊያኑ የትጥቅና ፋሽን ልብስ አምራች የሆነው ኤሪአ ያቀረበውን አዲሱን ትጥቅ አድርጎ ወደ ሜዳ ይገባል።

ይኸው የጣሊያኑ ኩባንያ ከዚህ ቀደም ከኢትዮጵያ እግርኳስ ፌዴሬሽን ጋር ትጥቅ ለማቅረብ በአዲስ አበባ የጣሊያን የባህል ማዕከል በተዘጋጀው ፕሮግራም ላይ ስምምነት መፈጸሙ ይታወሳል።

ሁለቱ አካላት በድጋሚ አርብ ምሽት በሀዋሳ ሀይሌ ሪዞርት የብሄራዊ ቡድን ሙሉ ተጨዋቾች እና የአሰልጣኞች አባላት፣ ጥሪ የተደረገላቸው እንግዶችና ጋዜጠኞች በተገኙበት ስምምነት እንደፈጸሙ በድጋሚ አሳውቀዋል።

የኤሪአ ተወካዮች እና ባለቤት ሚስተር ካርሎስና ሚስተር ሮቤርቶ አጠር ያለ ንግግር ያደረጉ ሲሆን የኢትዮጵያ እግር ኳስ ፌዴሬሽን ፕሬዝዳንት አቶ ጁነዲን ባሻም ስምምነቱ በኢትዮጵያ የመጀመሪያ መሆኑን በማሳወቅ ንግግር አድርገዋል።

በፕሮግራሙ ላይ ኤሪአ መቀመጫውን በጣሊያኗ ፓርማ በማድረግ ከጣሊያን ለፓርማ፣ ከእንግሊዝ ለኖርዊች ቡድኖች እንዲሁም ለአይስላንድ ብ/ቡድን የትጥቅ አቅራቢ መሆኑ ተገልፅዋል።

የጣሊያኑ ክለብ ፓርማ
ከሪኣ የትጥቅ ምርቶች ተጠቃሚዎች መካከል የጣሊያኑ ክለብ ፓርማ ፓርማ ተጠቃሽ ነው

በኢትዮጵያም ህጋዊ የሆነ የሽያጭ ሱቅ በመክፈትም ሽያጭ እንደሚያከናውኑ ገልጸዋል።

በመጨረሻም የኤርአ ባለቤት ሚስተር ሮቤርቶ ለኢትዮጵያ እግርኳስ ፌዴሬሽን ፕሬዝዳንት አቶ ጁነዲን ባሻ እንዲሁም የብሄራዊ ቡድኑ አሰልጣኝ ገ/መድህን ኃይሌ ለአምበሉ ስዩም ተስፋዬ የማሊያ ርክክብ በማድረግ ፕሮግራሙ ተጠናቋል።

Advertisements
%d bloggers like this: