Advertisements
ትኩስ ዜናዎች

ሊዮኔል ሜሲ ልጁ ሳንቲያጎ ያለው የኳስ ፍላጎት አነስተኛ መሆኑን ተናገረ

ወንድወሰን ጥበቡ | ሰኞ ነሃሴ 30 ቀን 2008 ዓ.ም


ሊዮኔል ሜሲ በእስካሁኑ የተጫዋችነት የህይወት ዘመኑ የእግር ኳስ ጨዋታን ወደአዲስ ምዕራፍ እንዲሸጋገር ማድረግ ችሏል። ሆኖም የሶስት ዓመት ልጁን፣ ቲያጎ ሜሲን ፍላጎት ወደተወዳጁ ስፖርት መቀየር ግን አልተቻለውም።

የባርሴሎናው ልዕለኮከብ ከአርጄንቲናው የቴሌቭዥን ጣቢያ ፖለሚካ ኢን ኸል ባር ጋር ባደረገው ቆይታ “ብዙ ኳሶችን አልገዛሁለትም። ወይም በኳሶቹ እንዲጫወትባቸው ግፊት አላደረግኩበትም። ምክኒያቱም ያን ያህልም አይወዳቸውም።” ሲል ተናገሯል።

ቢያንስ እስካሁን የመሲ ልጅ የኳስ ፍቅር የለውም። ነገር ግን በዓለም እግር ኳስ ላይ የመሲ ቀንደኛ ተፎካካሪ የሆነው ክርስቲያኖልዶ ልጅም በእግር ኳስ ላይ ያለው ፍላጎት አናሳ ነው።

እግር ኳስ የአባቶቻቸውን ዱካ የተከተሉ በርካታ ተጫዋቾችን አሳይታናለች።

የሌስተር ሲቲው ግብ ጠባቂ ካስፐር ሹማይክል በ29 ዓመት ዕድሜው የአባቱን የፒተርን ዱካ ተከትሎ ባለፈው የውድድር ዘመን የፕሪሚየር ሊግ ዋንጫን ማንሳት ችሏል። እንዲሁም የጆርዲ ክራፍ፣ የፓውሎ ማልዲኒ ልጆች ጆኣን እና ሴዛር የአባቶቻቸውን ፈለግ ተከትለዋል።

የስፔኑ ክለብ ባራሴሎናም የክለቡ ተጫዋቾች ልጆች ወደእግር ኳስ የሚገቡበትን መንገድ ከፍቷል። መሲም ልጁ የእሱን ቦታ ስለመያዝ አለመያዙ ለቀረበለት ጥያቄ የሚከተለውን ተናገሯል።

“በዚያ መንገድ የሚጓዝ ከሆነ የምናየው ይሆናል። ጥሩ ጅማሮም ይሆነዋል።” 

እስካሁን ባለው የእግር ኳስ ህይወቱ የ29 ዓመቱ ኮከብ፣ ሊዮኔል ለክለቡና ለሃገሩ ከ500 በላይ ግቦችን ከመረብ ማሳረፍ ችሏል፤ አምስት የባሎንዶር ሽልማቶችን አግኝቷል፤ ስምንት ጊዜ የላ ሊጋ እንዲሁም አራት ጊዜ ደግሞ የሻምፒዮንስ ሊግ ዋንጫዎችን ማንሳት ችሏል።

ስለዚህ ቲያጎ ጫና የለበትም።

Advertisements
%d bloggers like this: