ወንድወሰን ጥበቡ | ጷግሜ 1፣ 2008 ዓ.ም


ሲአይኢኤስ (CIES) የተሰኘውና የእግር ኳስ ቁጥራዊ ትንታኔን በድረገፁ ይፋ የሚያደርገው ተቋም በአውሮፓ እግር ኳስ ላይ ባደረገው ጥናት በዚህ ክረምት የተደረጉ ዝውውሮችን አስመልክቶ ያገኘውን አንድ መረጃ ይፋ አድርጓል።

ድረገፁ በደረሰበት የመጨረሻ የጥናት ውጤት መሰረትም የትኛው ተጫዋች ከትክክለኛና ይገባዋል ተብሎ ከታሰበው የዝውውር ዋጋ የበለጠ ወጪ እንደተደረገበት ጠቁሟል።

75 ሚሊዮን ፓውንድ ወጥቶበት በጁቬንቱስ የፈረመው ጎንዛሎ ሄጉዌን በዝርዝሩ ላይ በቀዳሚነት የተቀመጠ ሲሆን፣ ተጫዋቹ ሊከፈለው ይገባው የነበረው 23.8 ሚሊዮን ዩሮ ከፍ ብሎ ከላይ በተገለፅው ዋጋ እንዲዛወር ያስገደደው በናፖሊ የነበረው ከፍተኛ የተባለ የውል ማፍረሻ የስምምነት አንቀፅ ነው።

የፕሪሚየር ሊጉ ክለቦች በአዲሱ የቴሌቪዥን ገቢ ስምምነት 5 ቢሊየን ፓውንድ ክፍያ ማግኘታቸው ከሌሎች የአውሮፓ ተቀናቃኞቻቸው በላቀ በዝውውሩ ላይ ገንዘብ እንዲረጩ አድርጓል።

በመሆኑም ተጫዋቾችን ለማስፈረም ከልክ በላይ ወጪ ካደረጉ 20 የአውሮፓ ክለቦች መካከል 12ቱ የእንግሊዝ ፕሪሚየር ሊግ ክለቦች ናቸው። ከነዚህም መካከል ቼልሲና ማንችስተር ዩናይትድ በከፍተኛ ሁኔታ “ገንዘባቸውን የረጩ” ሁለት ክለቦች ናቸው።

እንደሲአይኢኤስ (CIES) መረጃ ከሆነም ኤሪክ ቤሊ፣ ዳቪድ ልዊዝ፣ ማርኮስ አሎንሶ፣ ፖል ፖግባ እና ሚቺ ባትሹዋዪ ከትክክለኛው የገበያ ዋጋቸው የበለጠ ዋጋ ወጥቶባቸዋል።

በአውሮፓ የሚገኙ የበላይ 5 የአውሮፓ ሊጎች ላይ ትኩረት አድርጎ 20 ያለቅጥ ወጪ የተደረገባቸውንና ይፋ የተደረገውን የድረገፁን የጥናት ውጤት ከታች ይመልከቱ።

* የዝውውር ዋጋው በዩሮ ነው።

Advertisements