Advertisements
ትኩስ ዜናዎች

የሴካፋ የሴቶች የዋንጫ ውደድር ተጀመረ

By Eyob Dadi


የ 2016 የሴካፋ የሴቶች ዋንጫ ውድድር ከጂንጃ አጠገብ ኒጂሩ በሚገኘው በዩጋንዳ እግርኳስ ፌዴሬሽን የቴክኒክ ማእከል ተጀምሯል።

ውድድሩ ዛንዚባር በ 1986 አዘጋጅታ አሸናፊ ከሆነችበት በኋላ ለመጀመሪያ ጊዜ የተዘጋጀ ነው።

በሁለት ምድብ የተከፈለው የዘንድሮው ውድድር 7 አገራት የሚካፈሉበት ሲሆን

ምድብ ሀ

ዩጋንዳ፣ብሩንዲ፣ዛንዚባር፣ኬኒያ

ምድብ ለ

ኢትዮጵያ፣ታንዛኒያና ሩዋንዳ ናቸው

ውድድሩ የሚካሄደው የዩጋንዳ ብ/ቡድን ልምምድ የሚያደርግበት እንዲሁም ለአሰልጣኞች ስልጠና የሚሰጥበት ቦታ ላይ ነው

የፌዴሬሽኑ ቴክኒካል ማእከል ሜዳ አርተፊሻል ይሁን እንጂ እንዲህ አይነት ውድድር ለማዘጋጀት በቂ አይደለም

በተጨማሪም ለተጨዋቾች ደረጃውን የጠበቀ የማረፊያ ቦታ አለመዘጋጀቱ የአንዳንድ የተሳታፊ አገራት ፌዴሬሽኖች ቅሬታ ማቅረባቸው ታውቋል

ከላይ በተጠቀሱት ምክንያቶች ውድድሩ በቂ ትኩረት ባይሰጠውም ትናንትና በተካሄዱት ሁለት ጨዋታዎች ተጀምሯል።

በመጀመሪያው ጨዋታ ብሩንዲ ዛንዚባሮችን 10-1 አሸንፈዋል።በጨዋታው የ ዛንዚባሮች ግብ ጠባቂ የሆነችው አሚና ሞሀመድ ኪታምቢ በቀይ ካርድ ወጥታለች።

ግብ ጠባቂዋ ከክልሏ ውጭ ያለአግባብ በመጫወቷ በውድድሩ የመጀመሪያ ቀይ ካርድ የተመለከተች ሆናለች።

በሁለተኛው ጨዋታ አዘጋጇ ዩጋንዳ እና ኬንያ ያደረጉት ጨዋታ ነበር።በጨዋታውም ኬኒያዎች 4-0 አሸንፈዋል።

ውድድሩ ዛሬ ሲቀጥል 10:00 ላይ በምድብ ለ ታንዛኒያ እና ሩዋንዳ ይጫወታሉ።

የኢትዮጵያ የሴቶች ቡድን እሮብ 10:00 ላይ ከሩዋንዳ ጋር የሚጫወት ይሆናል።

Advertisements
About ዕዮብ ዳዲ (1422 Articles)
ይህን ጽሁፍ ያዘጋጀሁላችሁ የኢትዮአዲስ ስፓርት ድረገጽ አዘጋጅ እና የስፓርት ፀሀፊ ዕዮብ ዳዲ ነኝ።
%d bloggers like this: