Advertisements
ትኩስ ዜናዎች

በግማሽ ፍጻሜው ሉሲዎቹ ከ ሀራምቤ ስታርሌትስ ጋር ይፋለማሉ

By Eyob Dadi


በዩጋንዳ አዘጋጅነት ከ 30 አመት ቆይታ በኋላ በ 7 አገራት መካከል እየተካሄ የሚገኘው የሴካፋ የሴቶች ዋንጫ ውድድር ለግማሽ ፍጻሜ አላፊ አገራት ታውቀዋል።

በምድብ አንድ ኬኒያ እና ዩጋንዳ የምድቡ የበላይ ሆነው ሲያጠናቅቁ፣ዛሬ የምድብ ሁለት ጨዋታዎች ከተጠናቀቁ በኋላ ታንዛኒያ እና ኢትዮጵያ የምድቡ ያለፉ አገራት ሆነዋል።

በኒጅሩ የፉፋ ቴክኒካል ማእከል ከቀኑ 10:00 ጀምሮ የተደረገው የኢትዮጵያ እና የታንዛኒያ ጨዋታ ያለ ጎል ተጠናቋል።

የጨዋታው አሸናፊ የምድቡ የበላይ ሆኖ የሚያጠናቅቅ ቢሆንም በአቻ ውጤት በመለያየታቸው በእጣ ታንዛኒያዎች የምድቡ አሸናፊ ሲሆኑ ሉሲዎቹ ሁለተኛ ሆነው አጠናቀዋል።

በዚህም መሰረት በግማሽ ፍጻሜው እሁድ ሉሲዎቹ ከ ሀራምቤ ስታርሌትስ ከሚባሉት ኬኒያዎቹ ሲገናኙ

ክሪስትድ ክሬንስ የሚባሉት አዘጋጆቹ ዩጋንዳዎች ከክሊማናጃሮ ንግስቶቹ ከሚባሉት ታንዛኒያዎች ጋር ይፋለማሉ።

ኢትዮጵያ እና ኬኒያ ለፍጻሜ እንደሚገናኙ ቢጠበቅም ከፍጻሜ በፊት መገናኘታቸው ለፍጻሜ ለማለፍ ጠንካራ ፉክክር እንደሚያደርጉ ይጠበቃል።

Advertisements
About ዕዮብ ዳዲ (1102 Articles)
ይህን ጽሁፍ ያዘጋጀሁላችሁ የኢትዮአዲስ ስፓርት ድረገጽ አዘጋጅ እና የስፓርት ፀሀፊ ዕዮብ ዳዲ ነኝ።
%d bloggers like this: