Advertisements
ትኩስ ዜናዎች

ካፍ CL :-  ዛማሌክ ዋይዳድ ካዛብላንካን በሰፊው በማሸነፍ ወደ ፍጻሜው ተቃረበ

By Eyob Dadi


የ 2016 የካፍ ቻምፕየንስ ሊግ የግማሽ ፍጻሜ የመጀመሪያው ጨዋታ ዛማሌክ በሜዳው የሞሮኮውን ዋይዳድ ካዛብላንካን በሰፊ ውጤት አሸነፈ።

ፈጣን እንቅስቃሴ የታየበት የሁለቱ የሰሜን አፍሪካ ቡድኖች ጨዋታ የዛማሌኩ ሺካባላ የራሱን ጥረት ባጎላ መልኩ ከራሱ ሜዳ ጀምሮ ወደ ተቃራኒ የአደጋ ክልል በመግባት የመታው ጠንካራ ኳስ የመጀመሪያው ጎል ለዛማሌክ ማስቆጠር ችሏል።

ብዙም ሳይቆዩ ዋይዳዶች ወደ ጨዋታው ለመመለስ ጥረት በሚያደርጉበት ወቅት ተከላካያቸው ሴኔጋላዊው ሞርታዳ ፎል የፈጠረውን ስህተት በመጠቀም አይማን ሄፍኒ ሁለተኛውን ጎል ማስቆጠር ችሏል።

ከእረፍት መልስ ባለሜዳዎቹ በባሲም ሞርሲ እና ሙስተፋ ፋቲ አማካኝነት ሰዎስተኛውንና አራተኛውን ጎል በማስቆጠር በአጠቃላይ 4 – 0 ማሸነፍ ችለዋል።

ዛማሌኮች በቀጣዩ ሳምንት ከሚደረገው የመልሱ ጨዋታ በፊት ወደ ዋንጫው ለማለፍ የተቃረቡበትን ውጤት በሜዳቸው አስመዝግበዋል።

Advertisements
About ዕዮብ ዳዲ (1422 Articles)
ይህን ጽሁፍ ያዘጋጀሁላችሁ የኢትዮአዲስ ስፓርት ድረገጽ አዘጋጅ እና የስፓርት ፀሀፊ ዕዮብ ዳዲ ነኝ።
%d bloggers like this: