Advertisements
ትኩስ ዜናዎች

የያያ ቱሬ ወኪል ለፔፕ ጓርድዮላ ጥያቄ ምላሽ ሰጠ

By Eyob Dadi|መስከረም 11/2009 ዓ ም)


በሲቲው አሰልጣኝ ፔፕ ጓርዲዮላ እና በያያ ቱሬ ወኪል ዲሚትሪ ሽሉክ መካከል የተፈጠረው የቃላት ሽኩቻ ተፋፍሞ ቀጥሏል።

ወኪሉ ፔፕ ጓርድዮላ ያያ ቱሬን ከቻምፕየንስ ሊጉ የቡድኑ ስብስብ ውስጥ ከቀነሰው በኋላ ቱሬን በማይመጥን እንክብካቤ እያስተነገደው ይገኛል፣የዘንድሮ የአውሮፓ ቻምፕየንስ ሊግ ዋንጫ ካላነሳ ያያ ቱሬን ይቅርታ መጠየቅ ይገባዋል ብሎ አስተያየት ከሰጠ በኋላ

ፔፕ በበኩሉ በወኪሉ አስተያየት መቆጣቱን በመግለጽ ይቅርታ እስካልጠየቀ ድረስ ተጨዋቹን እንደማያሰልፈው መናገሩ ይታወሳል።

አሁን ደግሞ በድጋሚ ወኪሉ ለፔፕ ምለሹን ሰጥቷል።

“ምንድነው ይቅርታ የምጠይቀው?ጋርዲዮላ ያሸነፈው ትንሽ ጨዋታዎች ሆኖ እራሱን እንደ ንጉስ ይመለከታል፣የምኖረው በአውሮፓ በመሆኑ የፈለኩትን ነገር መናገር ስለምችል ጓርዲዮላ ሊያስቆመኝ አይችልም

“እሺ ይሁን ..ይቅርታ እጠይቀዋለው፣ ነገርግን ይቅርታ የምጠይቀው በማኑኤል ፔልግሪና ላይ በሰራው ነገር ይቅርታ የሚጠይቅ ከሆነ ብቻ ነው።”

በማለት ምላሹን ሰጥቷል።

ወኪሉ ድሚትሪ ሽሉክ ጓርድዮላ ጆይ ሀርትንም ይቅርታ መጠየቅ እንደሚገባው ጨምሮ አሳውቋል።

Advertisements
About ዕዮብ ዳዲ (1158 Articles)
ይህን ጽሁፍ ያዘጋጀሁላችሁ የኢትዮአዲስ ስፓርት ድረገጽ አዘጋጅ እና የስፓርት ፀሀፊ ዕዮብ ዳዲ ነኝ።
%d bloggers like this: