Advertisements
ትኩስ ዜናዎች

“የያያ ቱሬ ወኪል ይቅርታ ካልጠየቀኝ ተጫዋቹን መቼም አላሰልፈውም” ፔፕ ጓርዲዮላ

ዘውዱ በሬሳ | መስከረም 11 ፣ 2009

በማንችስተር ሲቲ ክለብ ራሳቸውን በታሪክ መዝገብ ላይ ማስቀመጥ ከቻሉ ጥቂት ተጫዋቾች አንዱ ነው፡፡ ክለቡ ሁለት ጊዜ የፕሪምየር ሊግ ዋንጫን ማንሳት ሲችል ይህ ተጫዋች በሁለቱም ላይ የአንበሳውን ድርሻ ይወስዳል፡፡  የአራት ጊዜ የአፍሪካ ኮከብ ተጫዋቹ አይቮሪያዊ ያያ ቱሬ!

የዘንድሮው የውድድር ዘመን ለቱሬ መልካም አልሆነለትም፡፡ የቀድሞ ክለቡን ለመልቀቁ ምክንያት የነበረው አሰልጣኝ ጓርዲዮላ በሲቲ ቤትም የመጫወት ዕድልን የነሳው ከመሆኑም በላይ በአውሮፓ ሻምፒዮንስ ሊግ የተጫዋቾች ዝርዝር ላይም ዘሎታል፡፡

ይህን ተከትሎም በደንበኛው አያያዝ የተበሳጨው የቱሬ ወኪል ዲሚትሪ ሴሉክ አሰልጣኙን ወርፏል ፤ ሲሉክ ሲናገር “ጓርዲዮላ ለቱሬ ክብር የማይመጥኑ ድርጊቶችን በተደጋጋሚ እያደረገ ነው፡፡ በሲቲ ቤት ዘንድሮ የሻምፒዮንስ ሊግ ዋንጫን ማምጣት ከቻለ አፌን ሞልቼ እሱ የዓለም ምርጥ አሰልጣኝ መሆኑን እመሰክራለሁ ፤ ዋንጫውን ማሳካት ካልቻለ ደግሞ እሱ ደንበኛዬ ያያ ቱሬን ይቅርታ መጠየቅ ግድ ይለዋል” ብሏል፡፡

ይህ የወኪሉ ንግግር ያስቆጣው ፔፕ ምላሽ ለመስጠት አልዘገየም ” ቱሬ ጥሩ ተጫዋች መሆኑን አውቃለሁ ፤ የሱን ስም በሻምፒዮንስ ሊጉ ስብስብ ውስጥ አለማካተት በጣም ፈታኝ ነው፡፡ ወኪሉ የተናገረው ነገር ግን ያስቆጣል ፤ ለዚህ ንግግሩ ይቅርታ ካልጠየቀኝ መቼም ተጫዋቹን ማሰለፍ አልችልም፡፡ ይቅርታ ይጠይቀኝ ” በማለት ምላሽ ሰጥቷል፡፡

Advertisements
%d bloggers like this: