Advertisements
ትኩስ ዜናዎች

“ፔፕ ጓርዲዮላ  እራሱን የሚያስበው እንደ ፈጣሪ ነው” – የያያ ቱሬ ወኪል

By Eyob Dadi


በፔፕ ጋርዲዮላ እና በያያ ቱሬ ወኪል ዩክሬናዊው ዲምትሪ ሸሉክ መካከል የተፈጠረው የቃላት ሹክቻ ቀጥሏል።

ቀደም ብሎ ወኪሉ ፔፕ ጓርዲዮላ ያያ ቱሬን ከቻምፕየንስ ሊጉ የቡድኑ ስብስብ ውጭ እንዲሆን ካደረገ በኋላ “ደንበኛዮን አዋርዶታል” በማለት ጠንካራ ትችት ፔፕ ጓርድዮላ ላይ አቅርቦ ነበር።

አሰልጣኙም ወኪሉ ይቅርታ እስካልጠየቀ ድረስ ያያ ቱሬ በሲቲ እንደማይሰለፍ ካሳወቀ በኋላ በድጋሚ ወኪሉ እኔ ይቅርታ የምጠይቀው እሱ(ፔፕ) ማኑኤል ፔልግሪኒ እና ጆይ ሀርትን ይቅርታ ከጠየቀ ብቻ ነው ብሎ እንደነበር ይታወሳል።

ይኸው የቃላት ሹክቻው ቀጥሎ ወኪሉ ፔፕ ጓርዲዮላ ላይ ሌላ ትችት አቅርቧል።”ፔፕ እሚያስበው እራሱን እንደ ፈጣሪ ነው።” በማለት ወቅሶታል።

“የሚያስበው ሁልጊዜ ስለራሱ ነው፣የሚያስበው እራሱን እንደ ፈጣሪ አድርጎ ነው

“ከባርሴሎና ጋር ብዙ ዋንጫ አግኝቷል ነገርግን ያያ ቱሬም ተመሳሳይ ዋንጫ ከባርሴሎና ጋር አግኝቷል፣በርግጥ ያያ 2010 ላይ ክለቡን ስለለቀቀ ፔፕ የተሻለ ዋንጫ አግኝቶ ይሆናል

“አሁን ግን ፔፕ ሁሉን ነገር እንዳሸነፈ አድርጎ ያስባል የሚፈልገውንም ማድረግ የሚችል ይመስለዋል።”

ሲል ትችት ማቅረቡን ቀጥሏል።

Advertisements
About ዕዮብ ዳዲ (1303 Articles)
ይህን ጽሁፍ ያዘጋጀሁላችሁ የኢትዮአዲስ ስፓርት ድረገጽ አዘጋጅ እና የስፓርት ፀሀፊ ዕዮብ ዳዲ ነኝ።
%d bloggers like this: