Advertisements
ትኩስ ዜናዎች

“ክርስቲያኖ ሮናልዶ ተቀይሮ መውጣትን መልመድ አለበት” ዚዳን

ዘውዱ በሬሳ | መስከረም 15 ፣2009

ትናንት ምሽት በተካሄደ የላ ሊጋ ጨዋታ መሪው ሪያል ማድሪድ ከላስ ፓልማስ ጋር ያደረገውን ጨዋታ 2 ለ 2 በመጨረሱ ሁለት ነጥቦችን ጥሏል፡፡

በዚህ ጨዋታ በጥሩ ብቃቱ ላይ ያልነበረው የሶስት ጊዜ የዓለም ኮከብ ተጫዋቹ ክርስቲያኖ ሮናልዶ ጨዋታው ሊጠናቀቅ ወደ 20 ደቂቃ ገደማ ሲቀረው ተቀይሮ የወጣ ሲሆን በዚህም ደስተኛ እንዳልሆነ በግልፅ ታይቷል፡፡ 

ይህን ተከትሎ አስተያየቱን የሰጠው የቡድኑ አሰልጣኝ ዚነዲን ዚዳን “አሰልጣኝ ስትሆን እንደዚህ አይነት ውሳኔዎችን ማሳለፍ የሚጠበቅብህ ሲሆን ዛሬም ያደረኩት ይህንኑ ነው፡፡ በርግጥ እሱ በተፈጥሮው እያንዳንዱን ደቂቃ ሜዳ ላይ ማሳለፍ ይፈልጋል፡፡ሆኖም የፊታችን ማክሰኞ ከቦሩሲያ ዶርትሙንድ ጋር ወሳኝ የሻምፒዮንስ ሊግ ጨዋታ ይጠብቀናል፡፡ ስለዚህ ስለቡድኔና ስለተጫዋቾቼ መጨነቅ አለብኝ፡፡ ሮናልዶም እንዲህ አይነቱን ክስተት ሊላመድ ይገባል ” ሲል ተናግሯል፡፡

ክርስቲያኖ በዚህ የውድድር አመት ሙሉ 90 ደቂቃ የጨረሰው በሁለት ጨዋታዎች ላይ ብቻ ነው፡፡

Advertisements
%d bloggers like this: