​መድፈኞቹ የቀበሮዎቹን አጥቂ የውል ማፍረሻ በመክፍል ተጫዋቹን ለማዛወር ጥያቄ ቢያቀርቡም እንግሊዛዊው አጥቂ ግን ከአርሰን ቬንገር ጋር መስራት የሚችልበትን ዕድል ሳይቀበል ቀርቷል


ወንድወሰን ጥበቡ | ረቡዕ መስከረም 18፣ 2008 ዓ.ም


ጄሚ ቫርዲ በእንግሊዙ ጋዜጣ ዘ ሰን የአርሰናልን ጥያቄ ውድቅ ያደረገብትን ምክኒያት የሚገልፅ የሚከተልውን ሃሳብ የያዘ ፅሁፍ አስፍሯል።

“አርሰናል እኔ ከሌስተር ጋር ያለኝን ኮንትራት የሚያፈርሰውን ክፍያ ለምክፈል ጥያቄ በማቅረብ ትልቅ የውሳኔ ሃሳብ አቅርቦልኝ ነበር።

“ጥቅምና ጉዳቱን ለማገናዘብ ሞከርኩ።

“እንደአሌክሲ ሳንቼዝና መሱት ኦዚል ካሉ ተጫዋቾች ጋር የመጫወት ዕድል አግኝቻለሁ። አርሰናሎችም እኔ ከእነሱ ከማገኘው በላይ በእኔ ጥቅም እንደሚያገኙ ተሰምቷቸዋል።

“ነገር ግን የታክቲክ ጉዳይንም አስቤበታለሁ።

“የአርሰናል አጨዋወትን ተመልከቱ እኔ በሌስተር ከተከላከዮች ጀርባ በመሆን የማደርገውን ዓይነት እንደሌስተር ወደፊት ፈጣን የሆነ አጨዋወት አይጫወቱም።

“እኔን ያላስጨነቀኝ አንድ ነገር ቢኖር በአርሰናል “አብይ” ተጫዋች ያለመሆኔ ጉዳይ ነው።

“ሁልጊዜም እንቅስቃሴ ባደረግኩ ቁጥር ከፊቴ የሚገጥሙኝን ተግዳሮቶች እጋፈጣለሁ።

“ለህፃናት አዲስ ትምህርት ቤት እንደመግባት አድርገን መመልከት አለብን። ነገር ግን ልቤና ሃሳቤ ወደሚያደላበት መድረክ መውጣት ስላለብኝ በሌስተር መቆየትን መረጥኩ።

“ጉዳዩ “ታማኝነት” ወይም ስለቡድን አጋሮቼ ያለኝ ስሜት አይደለም።

“ተጫዋቾች ሁልጊዜም ይመጣሉ፤ ይሄዳሉ።

“አብዛኛው ጉዳይ ሌስተር እንደክለብ ዋንጫን የማንሳት ስኬት ነበረው። የእኛም ፍላጎታ ያ ነበር። እኔም የዚያ አካል የመሆን ፍላጎት ነበረኝ።

“ሁሉም ነገር በተለወጠበት መንገድ ደስተኛ ነኝ።”

“[በክለቡ] ለመቆየት ስስማማ ክላውዲዮ ‘ህልሙ ቀጥሏል።’ ሲል ነበር የፅሁፍ መልዕክት የላከልኝ።

“እኔም በትክክል የተሰማኝ እንደዚያ ነበር።”

ሌስተር ሲቲ የእንግሊዝ ፕሪሚየር ሊግ የ2015-16 የውድድር ዘመን የዋንጫ ባለቤት ሲሆን ጄሚ ቫርዲ የክላውዲዮ ራኒየሪ ቁልፍ ተጫዋች ነበር።

Advertisements