Skip to content
Advertisements

ግለሰቡ ዴቪድ ቤካምን ለመምሰል ሲል 20ሺህ ፓውንድ ለቀዶ ህክምና ወጪ አደረገ 

ወንድወሰን ጥበቡ | ረቡዕ መስከረም 18፣ 2009 ዓ.ም



ጃክ ጆንሰን የተሰኘ አንድ ግለሰብ ዛሬ ጠዋት የቀድሞውን የእግር ኳስ ኮከብ፣ ዴቪድ ቤካምን የመምሰል ህልም እንዳለው ለመናገር በአይቲቪ የቴሌቪዥን መሰናዶ ላይ ቀርቦ ነበር።

ጆንሰን የቀድሞውን የእንግሊዝ አምበል ለመምሰል ለቀዶ ህክምና 20,000 ፓውንድም ወጪ አድርጓል። ህልኑን ለማሳካት ሲልም ገና 30,000 ፓውንድ ወጪ ማድረግ እንደሚጠበቅበትም ገልፅዋል።

ቤካምን ስለመምሰል ያለውን ፍላጎት ሲናገርም “በእርግጥ እሱን እንደማልመሰል አውቃለሁ። ያን ያህልም ደደብ አይደለሁም። ነገር ግን እሱን የመምሰል ግቤን ለማሳካት ገና ብዙ ርቀት መጓዝ ይጠበቅብኛል። 30 ሺህ ፖውንድም ወጪ ማድረግ ይኖርብኛል። እሱን ለመምሰልም ለቀዶ ህክምና ወጪ ያስወጣኛል።

“እሱን መምሰል በጣም እንደምፈልግ ነግሬያቸዋለሁ፤ ህይወቴን እንደሚቀይርም ጭምር። በህይወት ዘመኔ ሁሉ የሰውነት ክብደት ችግር ነበረብኝ። ክብደቴን ለመቀነስ የፈጣን የሆነ መንገድ መጠቀም አልፈልግም። በመፃህፍ ላይ ያገኘታሁትን ማንኛውንም ዓይነት አመጋገብና የአካል ብቃት እንቅስቃሴ ሞክሬያለሁ። ለዚህ እንዲያግዘኝም የአንጀት መቋጠሪያ ዘዴ መጠቀም ያስፈልገኛል። ያን ሳደርግም ጤናማ አመጋገብ መጠቀምና የአካል ብቃት እንቅስቃሴዬን መቀጠል አለብኝ።” ብሏል።

ይሁን እንጂ የጆንሰንን የቤት ስራ ሊያከብድ የሚችለው በአሁኑ ጊዜ ስራ እየሰራ የማይገኝ መሆኑ ነው። የቀዶ ህክምናውም እስካሁን የ19,000 ፓውንድ ባለዕዳ አድርጎታል።

ሆኖም  ህልሙን ለማሳካት ማድረግ ያለበትን የተረዳ ይመስላል።

“በአሁኑ ጊዜ ዴቪድ ቤክሃምን እንደማልመስል አውቀዋለሁ። ነገር ግን ደስታ ይሰማኛል። በራሴም እየተደነቅኩ እገኛለሁ። ባለፉት ዓመታትም ጥሩ ቦታ ላይ ነበርኩ።” ሲል ተናግሯል።

አክሎም ጆንሰን “እራሴን እወዳለሁ። ዴቪድ ቤክሃምንም መምሰልም ግን እፈልጋለሁ። ማንስ የማይፈልግ አለ? ማንም ሰው እሱ አቀያሚ እና ማራኪ እንዳልሆነ ሊናገር አይችልም። እሱን የማያደንቁ እንኳ ቢሆኑ።” ሲል ተጫዋቹን የመምሰል ከፍተኛ ጉጉቱን ገልፅዋል።

Advertisements
%d bloggers like this: