Advertisements
ትኩስ ዜናዎች

የኢትዮጵያ የወንዶች ብ/ቡድን በአቋም መፈተሻ ጨዋታ የታንዛኒያ አቻቸውን በቀጣይ ሳምንት ይገጥማሉ

By Eyob Dadi


የአፍሪካ ዋንጫ የማጣሪያ ጨዋታውን ከምድቡ ሁለተኛ ሆኖ ቢያጠናቅቅም ወደ አፍሪካ ዋንጫ ለማቅናት አልቻለም።

በተለይም ጥሩ ሁለተኛ ሆኖ አጠናቆ ወደ ጋቦን የአፍሪካ ዋንጫ ለማቅናት ያደረገው ጥረት ከሲሸልስ እና ከአልጄሪያ ጋር አቻ በመውጣቱ መሰናከሉ ይታወሳል።

በቀጣዩ ሳምንት መጨረሻ ላይ በፊፋ ካሌንደር መሰረት አገራት ኢንተርናሽናል ጨዋታቸውን የሚያደርጉ ይሆናል።

የኢትዮጵያ ብ/ቡድንም ይህን አጋጣሚ በመጠቀም በአቋም መፈተሻ ጨዋታ ከታንዛኒያው አቻው ጋር በአዲስ አበባ ስታድየም ይጫወታሉ።

የፕሮግራም ለውጥ ካልተደረገለት በቀር ጨዋታው በቀጣይ ቅዳሜ የሚደረግ ሲሆን ለብ/ቡድኑ ተጨዋቾችም በቀጣዩ ሳምንት ጥሪ እንደሚደረግላቸው ኢትዮአዲስ ስፓርት ለማረጋገጥ ችላለች።

Advertisements
%d bloggers like this: