Advertisements
ትኩስ ዜናዎች

ካፍ ቻምፕየንስ ሊግ ፡- ማሜሎዲ ሰንዳውንስ በቻምፕየንስ ሊግ ፍጻሜ የመጀመሪያ ጨዋታ ዛማሌክን በማሸነፍ ታሪክ ለመስራት ተቃረበ

  14690831_1805045393070624_4856183122072569930_n By Eyob Dadi የደቡብ እና የሰሜን አፍሪካ ፈርጦቹ ማሜሎዲ ሰንዳውንስ እና ዛማሌክ በካፍ ቻምፕየንስ ሊግ የፍጻሜ የመጀመሪያ ጨዋታ በምእራብ ፕሪቶሪያ ሉካስ ሞሪፔ ስታድየም ተጫውተው በባለሜዳዎቹ ሰንዳውንሶች አሸናፊነት ተጠናቀቀ፡፡

ሁለቱ ቡድኖች በቻምፕየንስ ሊጉ በአንድ ምድብ ተደልድለው የምድብ ጨዋታቸውን ሲያደርጉ ማሜሎዲ ሰንዳውንስ የበላይ ሆኖ ቢያጠናቅቅም በዛሬው የፍጻሜ ጨዋታ ላይ የ 5 ጊዜ ሻምፕዮኑ የግብጹ ዛማሌክ ለ ደ/አፍሪካው ሻምፕዮን ማሜሎዲ ሰንዳውንስ ጠንካራ ተፎካካሪ እንደሚሆን ተጠብቆ ነበር፡፡ነገርግን በውድድሩ የአንጋፋ ልምድ ባለቤት የሆኑት ዛማሌኮች በዛሬው የመጀመሪያ ጨዋታ ላይ በቀላሉ እጃቸውን ሰጥተዋል፡፡
ዛማሌክ ለፍጻሜ የደረሰው የሞሮኮውን ዋይዳድ ካዛብላንካን አሸንፎ ሲሆን ማሜሎዲ ሰንዳውንስ በበኩሉ ዛምቢያውን ዜስኮ ዩናይትድን በማሸነፍ ነበር፡
ቅዳሜ 10፤00 ላይ የጀመረው የሁለቱ ቡድኖች የፍጻሜ የመጀመሪያ ጨዋታ ባለሜዳዎቹ ሰንዳውንሶች በሙሉ ስታድየም በቢጫ ለባሽ ደጋፊዎቻቸው ታግዘው መጀመሪያውን የሜዳቸውን ጨዋታ በድል ተወጥተዋል፡፡
የቡድኑ አሰልጣን ፒስቶ ሞሲማኔ የሞዛምቢኩን ካማ ቢሊያት እና ወጣቱን ፔርሲ ታውን ከፊት በማድረግ ላይቤሪያዊው አንቶኒ ላፎርን እና ዶሊን በሁለቱ መስመሮች ላይ ቦታ እየቀያየሩ እንዲጫወቱ በማድረግ በማጥቃት ተጫውተዋል ፡፡
እስከ 20ኛው ደቂቃ ድረስ ግልጽ የሆነ የግብ እድል ማግኘት ያልቻሉት ”ብራዚሊያን” እየተባሉ የሚጠሩት ማሜሎዲ ሰንዳውንሶች በ 21ኛው ደቂቃ ላይ 2 ቁጥሩ ንቴቴ በጭንቅላት የገጨው ኳስ ለጥቂት ወደ ውጭ ወጥታለች፡፡
30ኛው ደቂቃ ላይ ግን አንቶኒ ላፎር ከመሀል የተላከለትን ኳስ ወደ ጎል በመምታት ግሩም ግብ ማስቆጠር ችሏል፡፡ላፎር በግማሽ ፍጻሜው የመልስ ጨዋታ ላይ ዜስኮ ላይም ጎል አስቆጥሮ እንደነበር ይታወሳል፡፡
40ኛ ደቂቃ ላይም lagerman ከርቀት ለማሻማት በሚመስል መታው ኳስ አንግል በመግጨት አስደናቂ ጎል ማግባት ችሏል፡፡

ዛማሌኮች በበኩላቸው ባሴም ሞርሲን ከፊት በማድረግ የተቀሩት ከኳስ ጀርባ በመሆን በመጀመሪያው ግማሽ ጎል እንዳይቆጠርባቸው ወደ ኋላ በማፈግፈግ ቢጫወቱም የባለሜዳዎቹን እንቅስቃሴ ለመቆጣጠር ተቸግረው ታይተዋል፡፡
ብቸኛ ወደ ጎል የተጠጉትም የመጀመሪያው ግማሽ መጨረሻ ላይ በ 14 ቁጥሩ አይማን ሄፍኒ የሞከሩት ኳስ ብቻ ነበር፡፡
በሁለተኛው ግማሽ የመጀመሪያ ደቂቃ ላይ የመስመር ተጨዋቹ ዶሊ ለፔርሲ ታው የሰጠው ቆንጆ ኳስ ፔርሲ ታው ወደ ጎል የመታው ኳስ እስላም ገማል በራሱ ጎል ላይ አስቆጥሯል፡፡chewatawem 3-0 tetenakual.
ዛማሌኮች በ 57ኛው ደቂቃ ላይ በባሴም ሞርሲ አማካኝነት ለማግባት ቢቃረቡም በሰንዳውንሶች ተከላካይ ተመልሷል፡፡እንግዳዎቹ በዚህ የጨዋታ ክፍለጊዜ ጎል ለማስቆጠር ከመጀመሪያው ግማሽ በአንጻራዊ ተሸለው ቢታዩም ጎል ለማስቆጠር ሳይችሉ ቀርተዋል፡፡

የሁለቱ ቡድኖች የመልስ ጨዋታ በቀጣዩ ሳምንት መጨረሻ ላይ በግብጽ አሌክሳንድሪያ ከተደረገ በኋላ በድምር ውጤት ያሸነፈው ቡድን የ 2016 የካፍ ቻምፕየንስ ሺፕ የዋንጫ አሸናፊ ይሆናል፡፡
አሸናፊውም የ 1.5 ሚ ዶላር ሽልማት የሚበረከትለት ሲሆን በታህሳስ ወር በጃፓን በሚካሄደው የአለም የክለቦች ውድድር ላይ አፍሪካን ወክሎ ተሳታፊ የሚያደርገውን ትኬት ይቆርጣል፡፡
ማሜሎዲ ሰንዳውንሶች አሸናፊ ከሆኑ በታሪካቸው ለመጀመሪያ ጊዜ በመሆኑ አሰልጣኙ ፒስቶ ማሲማኔ እና ተጨዋቾቻቸው ለክለቡ አዲስ ታሪክ የሚያስመዘግቡ ይሆናል፡፡
ዛማሌኮች በበኩላቸው ከባዱን ፈተና ቀልብሰው አሸናፊ ከሆኑ ውድድሩን ለ6ኛ ጊዜ አሸናፊ ይሆናሉ፡፡

Advertisements
About ዕዮብ ዳዲ (1422 Articles)
ይህን ጽሁፍ ያዘጋጀሁላችሁ የኢትዮአዲስ ስፓርት ድረገጽ አዘጋጅ እና የስፓርት ፀሀፊ ዕዮብ ዳዲ ነኝ።
%d bloggers like this: