Skip to content
Advertisements

የሴቶች ፕሪሚየርሊግ የሚጀመርበት ቀን ይፋ ሆኗል ፤የወንዶቹ ፕሪሚየር ሊግ ደግሞ ነገ ውሳኔ ያገኛል።

ለኢትዮአዲስ ስፖርት በፈይሰል ኃይሌ  ፧ ሰኞ ጥቅምት 7   2009 

💰  የኢትዮጵያ ሴቶች ፕሪሚየር ሊግ ውድድር ከዚህ ቀደም እንደሚጀምር ተነገርሎት ከነበረው ጥቅምት 27 ወደ ህዳር 11 መተላለፉን የኢትዮጵያ እግር ኳስ ፌዴሬሽን ይፋ አድርጓል፡፡ የፌዴሬሽኑ የጽህፈት ቤት ሀላፊ እና ህዝብ ግንኙነት የሆነት አቶ ወንድምኩን አላዩ ባሳወቁት መሰረት የሴቶች ፕሪሚየር ሊግ ከዚህ ቀደም በጥቅምት 27 ይጀመራል ቢባልም የኢትዮጵያ ሴቶች ፕሪሚየር ሊግ ተሳታፊ ክለቦች ባቀረቡት የዝግጅት ጊዜ አንሶናል ጥያቄ መሰረት ቀኑ ወደ ህዳር 11 መገፋቱን ታውቋል ፡፡

image

💰  ይህ በእንዲህ እንዳለም የዳሽን ቢራ ስፖርት ክለብ ሙሉ በሙሉ መፍረሱን ተከትሎም የሴቶች ክለቡን ጥረት የተባለ ድርጅት የተከረበው ሲሆን በያዝነው የውድድር አመትም ስያሜውን በመውሰድ ጥረት በሚል ስም በኢትዮጵያ ሴቶች ፕሪሚየር ሊግ እና የኢትዮጵያ ፕሪሚየር ሊግ ክለቦች ጥሎ ማለፍ ሻምፒዩና ላይ ተሳታፊ ይሆናል፡፡ የ2008 የኢትዮጵያ ፕሪሚየር ሊግ ዋንጫ አሸናፊ ደደቢት መሆኑ ይታወሳል፡፡

💰 በሌላ የኢትዮጵያ እግር ኳስ ዜና በሀገሪቷ ወቅታዊ ሁኔታ እና አስቸኳይ አዋጅ ምክንያት ከተያዘለት ቀን ወደፊት እንደሚራዝም እየተነገረለት የሚገኘው የኢትዮጵያ ወንዶች ፕሪሚየር ሊግ ውድድር ቀጣይ እጣ ፈንታ ዙሪያ የኢትዮጵያ እግር ኳስ ፌዴሬሽን ነገ ውሳኔ እንደሚያሳልፍ ተሰምቷል፡፡ ፌዴሬሽኑ ባለፉት ሳምንታት ከክለቦች እና ባለድርሻ አካላት ጋር በጉዳዩ ላይ ሲመከር የሰነበተ ሲሆን ማክሰኞ ጥቅምት 8 በይፋ ፕሪሚየር ሊጉ የሚጀመርበትን ቀን እንደሚያሳውቅ ተነግሯል፡፡ ኢትዮአዲስ ስፖርት ከታመኑ የውስጥ አዋቂ ምንጮቿ  ባገኘችው መረጃ መሰረት ሊጉ ይጀመራል ከተባለበት ጥቅምት 20 ወደ ጥቅምት 26 አሊያም ጥቅምት 27 ሊዛወር እንደሚችል ሰምታለች፡፡

💰  በመጨረሻም በአዲስ አበባ ከተማ አስተዳደር እግር ኴስ ፌዴሬሽን ስር የሚካሄደው እና ባሳለፍነው ሳምንት መስከረም 27  ቅዳሜ እንደሚጀመር ተነገሮለት ላልተወሰነ ጊዜ መራዘሙ የተሰማው የአዲስ አበባ ሲቲ ካፕ ውድድርም የፊታችን ቅዳሜ ሊጀመር እንደሚችል የተነገረ ሲሆን በውድድሩ ላይ ይካፋላሉ ከተባሉት 8 ክለቦች መሀል ተጋበዥ ሆኖ ከዩጋንዳ እንደሚመጣ ተነግሮለት የነበረው ኬሲሲኤ ክለብ በዩጋንዳ የውስጥ ውድድሮች መጀመራቸውን ተከትሎ ወደ  ሸገር የማይመጣ ሲሆን ይህንን ተከትሎም ውድድሩ በ7 የሀገር ውስጥ ክለቦች መሀል እንደሚደረግ ተነግሯል፡፡ 

image

Advertisements

ፈይሰል ኃይሌ View All

የኢትዮአዲስ ስፖርት ስራ አስኪያጅ እና የስፖርት ዜናዎች ፀሀፊ

%d bloggers like this: