Advertisements
ትኩስ ዜናዎች

አፍሪካ፡- በአለም ዋንጫ ማጣሪያው ግብጽ ጋናን አሸነፈች

    1784e00b0b60f953190c43cb5b6689b8_L.jpg By Eyob Dadi ግብጽ፡ጋና፡ዩጋንዳ እና ኮንጎ በሚገኙበት ምድብ ግብጽ ጋናን በማሸነፍ በ6 ነጥብ ምድቡን በመምራት የራሺያው የአለም ዋንጫን እያሰበች ትገኛለች፡፡

ትንት ምሽት በአሌክሳንድሪያ ቦርጅ ኤል አረብ ስታድየም የተካሄደው የሁለቱ ሀያላን ፍልሚያ በግብጽ 2-0 አሸናፊነት ተጠናቋል፡፡በሜዳቸው የተጫወቱት የሰሜን አፍሪካው ተወካዮች በመሀመድ ሳላህ የ 43ኛ ደቂቃ የፍጹም ቅጣት ምት ጎል ለእረፍት ወደ መልበሻ ቤት አቅንተዋል፡፡ጋናዎች ጥሩ እንቅስቃሴ ቢኖራቸውም የግብጽ ተከላካይ አልፈው ጎል ለማስቆጠር አልቻሉም፡፡

ከእረፍት መልስ የጨዋታ ብልጫቸውን የቀጠሉት ጋናዎች አቻ ለመሆን በተደጋጋሚ ጥረት ቢያደርጉም ጎል ለማስቆጠር አልቻሉም፡፡ባለሜዳዎቹ በሁለተኛው ግማሽ በራሳቸው ሜዳ ክፍል ውስጥ በመከላከል ጥንቃቄ ጨዋታ ለመጫወት ሞክረዋል፡፡

የጨዋታው መጠናቀቂያ ሰአት በቀረበበት ወቅትም ግብጾች በ 85ኛው ደቂቃ ላይ በአብላህ ሰይድ አማካኝነት ያስቆጠሩት ኳስ ጨዋታውን በአሸናፊነት እንዲወጡ አድርጓዋል፡፡በስታድየሙ ውስጥ የነበሩት ብዛት ያላቸው ደጋፊዎቻቸውንም አስፈንድቀዋል፡፡

የጨዋታው መጠናቀቅ በኋላም በውጤቱ በመደሰት ተጨዋቸቾ የጎል ብረት ላይ በመንጠንልጠል ከደጋፊዎቻቸው ጋር ጸደሽቷል አንዳንዶቹም ሲያለቅሱ ታይተዋል፡፡

በዚሁ ምድብ ቅዳሜ በተደረገው ሌላው ጨዋታ ዩጋንዳ ኮንጎን 1-0 በማሸነፏ 4 ነጥብ በመያዝ ግብጽን ተከትላ በሁለተኛ ደረጃ ላይ ስትቀመጥ ጋና በ1 ነጥብ 3ኛ ደረጃን ይዛለች፡፡የምድቡ ቀጣይ ጨዋታ ዩጋንዳ ከ ግብጽ ጋር የሚያገናኝ ይሆናል፡፡

 

 

Advertisements
About ዕዮብ ዳዲ (1357 Articles)
ይህን ጽሁፍ ያዘጋጀሁላችሁ የኢትዮአዲስ ስፓርት ድረገጽ አዘጋጅ እና የስፓርት ፀሀፊ ዕዮብ ዳዲ ነኝ።
%d bloggers like this: