Advertisements
ትኩስ ዜናዎች

የ 2009 ቶታል ታላቁ ሩጫ በኢትዮጵያ የፊታችን እሁድ ይካሄዳል

images   By Eyob Dadi በየአመቱ እየተካሄደ የሚገኘው የታላቁ ሩጫ በኢትዮጵያ የፊታችን እሁድ ይካሄዳል፡፡የዘንድሮው ውድድር ለ 16ኛ ጊዜ የሚካሄድ ሲሆን 42 ሺህ ተሳታፊዎች እንደሚወዳደሩ ታውቋል፡፡

የውድድሩ ተሳታፊዎች በየአመቱ እየጨመረ እና ትኩረት እየሳበ በመምጣቱ በየአመቱ የውድድሩ እለት ተናፋቂ አድርጎታል፡፡በተለይም በውድድሩ ላይ የሚታዩ አዝናኝ አለባበሶች፡ዳንሶች እና ትርኢቶች ለውድድሩ ውበት የሚጨምሩ ነገሮች ሆነዋል፡፡

ከሌላው ጊዜ በተለየ በዘንድሮው ውድድር ላይ ለመጀመሪያ ጊዜ በቀይ እና አረንጓዴ የተከፈሉ መነሻ ተግባራዊ የሚደረግ ሲሆን ቀዮቹ በፍጥነት መሮጥ የሚፈልጉ ከ አንድ ሰአት ቀደም ብለውም ማጠናቀቅ የሚጠበቅባቸው ተወዳዳሪዎች የሚሳተፉበት ነው፡፡መነሻውም ከጠዋቱ 2፡50 ሲሆን ወደ 6ሺ የሚጠጉ ተወዳዳሪዎች እንዲሮጡ ይደረጋል፡፡

በአረንጓዴው ምድብ ላይ የሚገኙ ቁጥራቸው ወደ 36 ሺ የሚገመት ተወዳዳሪዎችም ከቀዮቹ በመቀጠል የሚሮጡ ሲሆን በዚህ ምድብ ላይ የሚገኙ ተወዳዳሪዎች ከጓደኛቸው ጋር እየተዝናኑ የሚሮጡበት ነው፡፡መነሻውም ከጠዋቱ 3፡00 ነው፡፡

የተለያየ መነሻ ጊዜ ያስፈለገበት ምክንያት በየአመቱ እየጨመረ የሚሄደው የተሳትፎ ፍላጎት ለሟሟላት በየአመቱ በርከት ያለ የተሳታፊ ቁጥጥርን ለማስተናገድ የሚያስችል አቅም ለመፍጠር እንዲሁም አዘውትረው ስፖርት ለሚሰሩና ሩጫውን ፈጠን ብለው ለመጨረስ ለሚፈልጉ ቅድሚያ በመስጠት ውድድሩን እየተዝናኑ ቀስ ብለው ከሚሮጡ በመለየት የሚኖረው ግፊት ለመቀነስ እንደሆነ ታውቋል፡፡

በዘንድሮው ውድድርም ላይም አሸናፊዎቹ እንደከዚህ ቀደሙ ሁሉ ሽልማት የተዘጋጀላቸው ሲሆን በተጨማሪም በተለየ አዝናኝ አለባበስ ትኩረት የሳቡ የተለየያዩ ሽልማቶች እንደሚሸለሙ ታውቋል፡፡

gethr_7ed9d3277d3

የልዩ ፈጠራ የአለባበስ ውድድሩን ሽልማት የሚሸልመው ማልታ ጊነስ ሲሆን ተወዳዳሪዎች በልዩ ፈጠራ ሽክ በማለት በማልታ ጊነስ ፎቶ አንሺዎች እይታ ውስጥ መግባት ይጠበቅባቸዋል፡፡

ታላቁ ሩጫ በኢትዮጵያ ቀደም ብለው ለተመዘገቡ ተሳታፊዎች ባለፉት ሳምንታት ጀምሮ የተወዳዳሪዎች ቲሸርት ሲሰጥ ቆይቶ ውድድሩን እለት እየጠበቀ ይገኛል፡፡በውድድሩ ላይም ከሌሎች አገራት የሚመጡ አትሌቶች እና እንግዶች እንደሚገኙ ይጠበቃል፡፡

 

 

Advertisements
About ዕዮብ ዳዲ (1236 Articles)
ይህን ጽሁፍ ያዘጋጀሁላችሁ የኢትዮአዲስ ስፓርት ድረገጽ አዘጋጅ እና የስፓርት ፀሀፊ ዕዮብ ዳዲ ነኝ።
%d bloggers like this: