Advertisements
ትኩስ ዜናዎች

የሴቶች የአፍሪካ ዋንጫ፡-ናይጄሪያ እና ካሜሮን ለሴቶች የአፍሪካ ዋንጫ ፍጻሜ ደረሱ

IMG-20161125-WA005.jpg

By Eyob Dadi

በካሜሮን እየተካሄደ በሚገኘው የሴቶች የአፍሪካ ዋንጫ አዘጋጆቹ ካሜሮኖች ከአፍሪካ ከሻምፕዮኖቹ ናይጄሪያ ጋር ለፍጻሜ መድረሳቸውን አረጋግጠዋል፡፡

ሁለቱ ቡድኖች ለፍጻሜ የደረሱት ናይጄሪያ ደ/አፍሪካን እዲሁም ካሜሮን ደግሞ ጋናን በተመሳሳይ 1-0 በማሸነፍ ለቅዳሜው በስታድ አህመዱ አዲጆ ስታድየም ለሚካሄደው የፍጻሜ ጨዋታ ተገናኝተዋል፡፡

ለ 10ኛ ጊዜ የተዘጋጀው የዘንድሮ ውድድር ላይ ናይጄሪያ እና ካሜሮን ለፍጻሜ ሲገናኙ ለሁለተኛ ጊዜያቸው ሲሆን ከዚህ ቀደም ናይጄሪያ አሸንፋ የዋንጫ ባለቤት ሆና ነበር፡፡

ሁለቱ ጠናካራ አገራት በካናዳ ተካሂዶ በነበረው የሴቶች የአለም ዋንጫ ላይ አፍሪካን ወክለው የነበረ ሲሆን ካሜሮኖች ለ መጨረሻው 16 ማለፍ ሲችሉ ሱፐር ፋልኮኖቹ ከምድባቸው መዝለል ሳይችሉ ቀርተው ነበር፡፡

ናይጄሪያዎች ለፍጻሜ ማለፋቸውን ካረጋገጡ በኋላ የአገሪቱ ፕሬዝዳንት ሙሀመዱ ቡሀሪ በውጤቱ እንደኮሩ በትዊተር ገጻቸው ላይ አሳውቀዋል

የኛ ሱፐር ፋልኮኖቹ በድጋሚ አኩርተውናል፡፡ ሁላችንም የአገሪቷ ህዝብ ቅዳሜ ለሚደረገው የፍጻሜ ጨዋታም እንጠብቃለን” በማለት ተናግረዋል

በቅዳሜው የፍጻሜ ጨዋታ ላይ በደጋፊዎቿ ፊት የምትጫወተው ካሜሮን ለ ናይጄሪያዎቹ ጠንካራ ተፎካካሪ እንደምትሆን ሲጠበቅ ጋን እና ደ/አፍሪካ የ3ኛ ደረጃን ለማግኘት ከፍጻሜው ቀደም ብለው የሚጫወቱ ይሆናል፡

Advertisements
About ዕዮብ ዳዲ (1357 Articles)
ይህን ጽሁፍ ያዘጋጀሁላችሁ የኢትዮአዲስ ስፓርት ድረገጽ አዘጋጅ እና የስፓርት ፀሀፊ ዕዮብ ዳዲ ነኝ።
%d bloggers like this: