Skip to content
Advertisements

ተጫዋቹ ግብ ካስቆጠረ በኋላ ድንገት ሜዳ ላይ ተዘልፍልፎ በመውደቅ ህይወቱ አለፈች

ወንድወሰን ጥበቡ | ህዳር 27፣ 2008 ዓ.ም

አንድ የ19 ዓመት ፕሮፌሽናል የእግር ኳስ ተጫዋች ለቡድኑ ግብ በማስቆጠር ለተወሰኑ ሰከንዶች ያህል ደስታውን ለመግለፅ  ከተወዛወዘ በኋላ ድንገት ተዝለፍልፎ በመውደቅ ህይወቱ አልፋለች።  

​ኢስማኤል ምሪሾ ካልፋን የተሰኘውን ተጫዋች የህክምና ባለሙያዎች ህይወቱን ለማተርፍ ቢረባረቡም ወጣቱ ተጫዋች ግን ሆስፒታል ከመድረሱ በፊት ህይወቱ ማለፏ ተገልፅዋል።

አሳዛኙ አጋጣሚ ሲከሰት ካልፋን ለታንዛኒያው ምባኦ እግር ኳስ ክለብ ከ20 ዓመት በታች ቡድን በመጫወት ላይ ነበር።

ተጫዋቹ በጨዋታው ላይ በደረሰበት ተደጋጋሚ ግጭቶች የልብ እክል ሳይገጥመው እንዳልቀረ ታምኗል።

መሬት ላይ ከወደቀ በኋላ በጀርባው ሲንከባለልም ታይቷል። የጨዋታው ዳኛም በጣም የከፋ ነገር እንደተፈጠረ በማሰባቸው ጨወታው እንዲቆም አድርገዋል።

የቡድኑ የህክምና እርዳታ ባለሙያዎችም የተጫዋቹን እግር ወደላይ በማንሳት ደም ወደልቡ እንዲወርድ ለማድረግ ጥረት አድርገው ነበር።

ተጫዋቹ አጋጣሚው ከመፈጠሩ ደቂቃዎች በፊት በሰሜናዊ ምዕራብ ታንዛኒያ በሚገኙት ባለሜዳዎቹ ምዋዱዊ እግር ኳስ ክለብ ላይ የመጀመሪያውን ግብ ማስቆጠር ችሎ ነበር።

በተጫዋቹ ግብ ደስታ የተሰማቸው የቡድን አጋሮቹም  ይወዛወዝ የነበረውን “ሞቅ ያለ ዳንስ” አጅበውት ደንሰዋል።

አደጋው ከተፈጠረ በኋላ ቡኮባ ወደተሰኘ የክልሉ የመንግስት ሆስፒታል ቢወሰድም በዚያ እንደደረሰ ግን ህይወቱ አልፋለች።

Advertisements
%d bloggers like this: