ወንድወሰን ጥበቡ | ህዳር 27፣ 2008 ዓ.ም

አርሰናል ከፍተኛ ተስፋ የተጣለበትንና ዜክ ሜድሊ የተሰኘውን የቀድሞ የቼልሲ ወጣት ተከላካይ ተጫዋች ለማስፈረም ያደርግ የነበረውን ድርድር ከስምምነት ላይ በማድረስ ማጠናቀቅ ችሏል። 

አሁን በ16 ዓመት ዓመት ዕድሜ ላይ የሚገኘው ይህ ተጫዋች ከስምንት ዓመት ዕድሜው አንስቶ በቼልሲ የታዳጊዎች ማሰልጠኛ ሲጫወት ቆይቷል።

ነገር ግን ተጫዋቹ ሰማያዊዎቹን በጥቅምት ወር ከለቀቀ በኋላ ብቃቱን በማሳየት አዲስ የኮንትራት ስምምነት እስኪቀርብለት ድረስ በአርሰናል የሙከራ ጊዜን በማሳለፍ ላይ ይገኝ ነበር።

ይሁን እንጂ ወጣቱ ተጫዋች በመጀመሪያው የሙከራ የቆይታ ጊዜው የአርሰናል ከ18 ዓመት በታች ቡድን  ከፉልሃም አቻው ጋር 1ለ1 እንዲለያይ ለተገደደበት የፍፁም ቅጣት ምት ምክኒያት ሆኖ ነበር።

የመሃል ተከላካዩ የአርሰናልን የታዳጊዎች ማሰልጠኛ ሰልጣኝ በመሆን የተቀላቀለ ሲሆን ከዚህ ቀደም የእንግሊዝ ወጣት ቡድን ውስጥ መጫወትም ችሏል።

ተጫዋቹ አርሰናል በ2016/17 ወደማሰልጠኛው ካስገባቸው ተጫዋቾች መካከል 12ኛው አባል ነው።

በተመሳሳይ ዜና አርሰናል ሌላኛውን የፉልሃም ተስፈኛ ርያን ሴሲኞንን ለማስፈረም አስቧል።

ነገር ግን የ16 ዓመቱን ተጫዋቹን ለማስፈረም ማንችስተር ዩናይትድን፣ ማንችስተር ሲቲን እና ሊቨርፑልን ጨምሮ ከበርካታ የፕሪሚየር ሊጉ ክለቦች ከባድ ፉክክር የሚገጥመው ይሆናል።

Advertisements