Advertisements
ትኩስ ዜናዎች

​የኢትዮጵያ ፕሪሚየር ሊግ 5ኛ ሳምንት ጨዋታ ዳሰሳ – ወልዲያ ከ ፋሲል

በፈይሰል ኃይሌ | ህዳር 29፣ 2009 ዓ.ም


አዲሱ እና ዘመናዊ ስቴዲየማቸውን ለማስመረቅ ደፋ ቀና እያሉ የሚገኙት ወልዲያ ከነማዎች ባሳለፍነው እሁድ በሊጉ ቀዳሚ ሽንፈታቸውን በአዲስ አበባ ስቴዲየም በመከላከያ አስተናግደዋል፡፡ የፊታችን ቅዳሜ በአማራ ክልል ደርቢ በሊጉ አስደናቂ ግስጋሴ እያደረገ የሚገኘውን ፋሲል ከነማን በመልከ ቆና ስቴዲየም  የሚገጥሙት ወልዲያዎች በሊጉ ካደረጓቸው 4 ጨዋታዎች መሀልም 1ዱን አሸንፈው በ2ቱ አቻ የተለያዩ ሲሆን በ1ዱ ደግሞ ሽንፈት አስተናግደዋል፡፡ 5 ነጥቦችን ይዘው ባለባቸው 1 የግብ እዳ ምክንያት ከ ጅማ አባቡና አና አዲስ አበባ በመቀጠል 10ኛ ደረጃ ላይ ተቀምጠዋል፡፡ ከመልከ ቆና ስቴዲየም ከፊታችን ጥር 8 በዋላ የሚለያዩት ሰማያዊ ለባሾቹ ከስቴዲየማቸው ምርቃት በዋላ ሙሉ ለሙሉ በሜዳቸው ላይ የሚያደርጉትን የኢትዮጵያ ፕሪሚየር ሊግ ጨዋታቸውን በዘመናዊው እና ሙሉ ጣርያ በለበሰው እንዲሁም ከ25 ሺ በላይ መቀመጫዎች በተገጠመለት በእጅጉ ዘመናዊ በሆነው ሼክ ሁሴን አሊ አላሙዲን ስቴዲየም እንደሚያደርጉ ተሰምቷል፡፡ 
የሊጉ ክስተት ፋሲል ከነማ በዘንድሮ የውድድር ዘመን ከሱፐር ሊጉ ወደ ፕሪሚየርሊጉ  አብረውት ካደጉት ከለቦች በተሻለ 6 ነጥቦችን በመሰብሰብ 6ኛ ደረጃን መያዝ ችሏል፡፡ የአስደማሚ ደጋፊ ባለቤቱ ክለብ አሰልጣኙን ዘማሪያምን ለህክምና ወደ ባንኮክ ቢልክም ተጫዋቾቹ ከወዲሁ እጅ አንሰጥም እያሉ ይገኛሉ፡፡ በሊጉ 3 ጨዋታዎችን አድርጎ 1 ቀሪ ጨዋታ የሚቀረው ፋሲል ከነማ 2 ጨዋታዎች አሸንፎ በአንዱ ብቻ ተርትቶ በ3ቱ ጨዋታዎች 3 አስቆጥሮ 2 ብቻ ተቆጥሮበት  ከወዲሁ ከመሪዎቹ 3 ነጥቦች አንሶ የፊታችን እሁዱን የወልዲያ ከነማ ጨዋታ እየጠበቀ ይገኛል፡፡ በርከት ያሉ ተመልካቾች ይከታተሉታል ተብሎ በሚጠበቀው የእሁድ ከሰአቱ የደርቢ ጨዋታም ፋሲል ከነማዎች ባለፉት ሳምንታት ለክለቡ መልካም ብቃታቸውን ያሳዩትን ኤዴም ፣ኤርሚያስ እና አብዱራህማን (ግሪዳው) ላይ ተስፋን ሰንቀዋል፡፡

Advertisements
%d bloggers like this: