Skip to content
Advertisements

የቻፔኮንሴው አለን ራሼልን ማገገም የሚያሳዩ ምስሎች ይፋ ሆኑ

በMikiyas B Wordofa | ህዳር 30፣ 2009 ዓ.ም


አለን ራሼል የብራዚሉ ቻፔኬንሴ ክለብ ተከላካይ ሲሆን ባሳለፍነው ሳምንት በደረሰውና መላውን አለም ካስደነገጠው የአውሮፕላን አደጋ ተአምር በሚመስል መልኩ መትረፍ የቻለ እድለኛ ተጫዋች ነው፡፡ ዴይሊ ሜይል ጋዜጣ ዛሬ ይፋ እንዳደረገው ደግሞ ይህ 19 የቡድን አጋሮቹን በአደጋው ከጎኑ ያጣው የ 27 አመት ተከላካይ በኮሎምቢያ ተራራማ ቦታ በወደቀው አውሮፕላን አደጋ ምክንያት ከፍተኛ የአጥንት መሰባበር አደጋ ቢደርስበትም በማገገም ሂደት ውስጥ አንድ ደረጃ ወደፊት መሄዱን ገልጿል፡፡ 

ከአደጋው በተዓምር የተረፈው አለን ራቼል

እንደ ጋዜጣው ዘገባ ከሆነ ሩሼል ሪዮንጌራ ኮሎምቢያ ወደሚገኝ አንድ የተሻለ ክሊኒክ ከተዘዋወረ ወዲህ መጠነኛ መሻሻል ታይቶበታል፡፡ ዘገባው በምስል አያይዞ እንደዘገበው ከሆነ ደግሞ ተጫዋቹ ይፋ በተደረጉት ምስሎቹ ላይ በድጋሚ መራመድ መጀመሩ የታየ ሲሆን ይህም በአደጋው 71 ሰዎችን ላጡት ደጋፊዎች ትልቅ የምስራች መሆኑን ጋዜጣው ጨምሮ ዘግቧል።

አለን ራቼል በማገገም ላይ እንደሚገኝ ለደጋፊዎቹ በጣት ምልክት አሳይቷል

ተጫዋቹ በቪዲዮ በተቀዳ መልዕክቱ ላይ ማርኮስ አንድሬ ሶናግሊ በተሰኘው ሀኪሙ እርዳታ ሲራመድና አውራ ጣቱን ወደ ካሜራው አነጣጥጥሮ ሲያሳይ ተስተውሏል፡፡

Advertisements
%d bloggers like this: