Skip to content
Advertisements

“በህይወቴ የሚቆጨኝ ብቸኛ ነገር ቢኖር በዩናይትድ ቤት ቆይታዬን አለማራዘሜ ነው” – ​ሄነሪክ ላርሰን፡

Mikiyas B. Wordofa | ነሃሴ 1፣ 2009


ስዊድናዊው የፊት መስመር ተሰላፊ የነበረው ላርሰን የምንግዜም ቁጭቱን ለፎር ፎር ቱ መፅሄት የታህሳስ እትም ይፋ ባደረገበት “አንድ ለአንድ”(One-on-One) በተሰኘው አምድ ቃለ መጠይቁ በ2007 በውሰት በመጣበት ዩናይትድ ውሉን አራዝሞ ከክለቡ ጋር ድሎችን ማጣጣም እንደነበረበት በቁጭት ተናግሯል፡፡

የቀድሞው የሲልቲክና ባርሴሎና ኮከብ ለሁለት ወራት ማረፊያውን ኦልትራፎርድ አድርጎ የነበረው በጥር 2007 ዩናይትዶች ሄሊንስበርግ ከተሰኘው ክለብ ጋር ባደረጉት አጭር የሁለት ወር የውሰት ውል ምክንያት ነበር፡፡ በዩናይትድ ቤት አጭር ቆይታውም በኤፍኤ ካፕ አስቶን ቪላ ላይ ግብ ማስቆጠር ችሏል፡፡ ዩናይትድ በሊጉ ጨዋታ ዋትፎርድን ሲረታ እንዲሁም በአውሮፓ ቻምፒዮንስ-ሊግ ግጥሚያ ሊልን ሲያሸንፍ የላርሰን ግቦች ከፍተኛ አስተዋፅኦ ነበራቸው፡፡ ላርሰን በዩናይትድ ቤት የነበረው የመጨረሻው ግጥሚያ ዩናይትድ ከሚድልስቦሮ በኤፍኤ ካፑ የነበረው ጨዋታ ነበር፡፡ ከላርሰን ክለቡን መልቀቅ በኋላ በአመቱ መጨረሻ የፈርጉሰን ስብስብ ሊጉን ከተከታዩ ቼልሲ በስድስት ነጥብ በመራቅ ያሸነፈበትና በአዲሱ ዌምብሌይ ስታዲየም ለተደረገው የፍጻሜ ግጥሚያ ደርሶ በቼልሲ ለጥቂት የተረታበት ስኬታማ ስብስብ ሆኖ አመቱን መጨረስ የቻለበት ወቅት ነው፡፡ ስለሁኔታው ላርሰን ሲናገር “በህይወቴ በጣም የሚቆጨኝ ነገር ይህ ነው፡፡ መቆየት ነበረብኝ ምክንያቱም የፕሪምየር ሊጉን አሸናፊነት ዋንጫ ከቡድኑ ጋር አገኝ ነበር፡፡ ከዚህ በተጨማሪም አንድ ተጨማሪ አመት በካሪንግተር የምቆይበት እድል ሊፈጠር ይችል ነበር፡፡ ነገር ግን ከሄልሲንበርግ ጋር ውል ስለነበረኝና ውል የፈረምኩት ውሉን አክብሬ ለመፈፀም መሆኑ ስለተሰማኝ ወደ ስዊድን ተመልሻለሁ፡፡


“በዩናይትድ ቤት ሁሉም ነገር ፕሮፌሽናል ነው፡፡ ለወንድሜ ልጅ ክርስትና በማመራበት ወቅት እንኳን ከጨዋታ በኋላ ወደ እዛ የማመራበትን አውሮፕላን ያዘዘልኝ ክለቡ ነው፡፡ ዩናይትድ ሁሉንም ተጫዋቾች በደንብ የሚንከባከብ ክለብ ነው፡፡” ሲል ምስክርነቱን ሰጥቷል፡፡

Advertisements
%d bloggers like this: