Skip to content
Advertisements

በባንኮክ የሚገኘው አሰልጣኝ ዘማሪያም ወ/ጊዮርጊስ ለ ማክሰኞ ቀጠሮ ተሰጥቶታል

15416148_348159272231267_1670952862_n.jpg
By Eyob Dadi
ፋሲል ከነማ በ 2008 ዓ.ም የከፍተኛ ሊጉን አሸናፊ በመሆን ወደ ፕሪምየር ሊጉ ተቀላቅሏል።በተለይም በፍጻሜው ጨዋታ በአበበ ቢቂላ ስታድየም ጅማ አባቡናን አሸንፎ የ 2008 የኢትዮጵያ ከፍተኛ ሊግ ዋንጫ ያነሳበት እንቅስቃሴ የሚረሳ አይደለም።
ቡድኑ ወደ በ 2009 የኢትዮጵያ ፕሪምየር ሊግ ውድድር ላይም ድንቅ ጅማሮ በማሳየት ጠንካራ ቡድን እንዳለው እያሳየ ይገኛል። በተለይም ባለፉት ሁለት ሳምንታት ኢትዮ ቡናን እና ቅ/ጊዮርጊስን ማሸነፍ የቻለ ሲሆን ነገ(እሁድ) ከወልዲያ ከነማ ጋር ጨዋታውን ያደርጋል።
ከዚህ ሁሉ ውጤታማነት ጀርባ በትልቁ ስሙ ሳይጠቀስ የማይታለፈው አሰልጣኝ ዘማሪም ወ/ጊዮርጊስ ነው።አሰልጣኙ ባጋጠመው ህመም ምክንያት ወደ ውጭ አቀንቶ መታከም እንደሚገባው ከተሰማ በኋላ ክለቡ፣ የክለቡ ደጋፊዎች ፣ተጨዋቾች እንዲሁም ሌሎች አካላቶች ባሰባሰቡት ገንዘብ ወደ ታይላንድ ባንኮክ አቅንቷል።
በባንኮክ የተደረገለት የመጀመሪያ ምርመራ መሰረት ለ Dec 13 ቀጠሮ የተሰጠው ሲሆን በእለቱም ቀዶ ጥገና እንደሚደረግለት ነው የሚጠበቀው። አሰልጣኙ አሁንም በድጋሚ ክለቡን፣ደጋፊውን፣የመገናኛ ብዙሀኑን እንዲሁም የእግርኳስ አፍቃሪውን በሙሉ አመስግኗል። መረጃውን ከባንኮክ የላከልን ጢሞቴዎስ ባየ እናመሰግናለን።

 

 

 

Advertisements

ዕዮብ ዳዲ View All

ይህን ጽሁፍ ያዘጋጀሁላችሁ የኢትዮአዲስ ስፓርት ድረገጽ አዘጋጅ እና የስፖርት ፀሀፊ ዕዮብ ዳዲ ነኝ።

%d bloggers like this: