Advertisements
ትኩስ ዜናዎች

​ኮንቴ ከቀድሞው ተጫዋቹ ጋር በቼልሲ ቤት ዳግም ይገናኛል

በ Mickias B. wordofa | ታህሳስ 1፣ 2009


የእንግሊዙ ዴይሊ ሚረር ትናንት እንዳወራው ከሆነ የሰማያዊዎቹ አሠልጣኝ አንቶኒዮ ኮንቴ የ37 አመቱን የቀድሞ የጣሊያን ድንቅ አማካኝ አንድሪያ ፔርሎን ወደ ኮብሀም (የቼልሲ ልምምድ ማዕከል) እንኳን በደህና መጣህ ብሎታል፡፡ ኮንቴ ይፋ እንዳደረገው ፒርሎ ሰማያዊዎቹን የሚቀላቀለው ለአመት በዓል እረፍት የሚዘጋውን የአሜሪካ ሊግ በማስመልከት ከእንግሊዙ ክለብ ጋር የቅድመ ውድድር ዝግጅት ለማድረግ ነው፡፡ 
ኮንቴና ፒርሎ በአሮጊቷ (ጁቬንቱስ) ቤት አብረው በመስራት ሶስት የጣሊያን ሴሪያ ድሎችን አብረው ማጣጣም የቻሉ ናቸው፡፡ ስለ ቀድሞው ተጫዋቹ ጉብኝት የተጠየቀው ኮንቴ ፈገግ በማለት በፒርሎ ወደ ቡድኑ መቀላቀል መደሰቱን መሸሸግ ሳይቻለው ቀርቷል፡፡ 

“እሱ እዚህ ድረስ የመጣው እኔን ለመመልከት ብቻ ነው፡፡ እዚህም ጥሩ ልምምድ መስራት ይችላል፡፡ ለጉብኝቱ በጣም ላመሰግነው እወዳለሁ፡፡ አንድሬያ በጁቬንቱስ ለሶስት አመታት ተጫዋቼ የነበረና አብረን ዋንጫዋችን ማሸነፍ የቻልን ነን፡፡” ሲል ስለ ጉዳዩ የተሰማውን ደስታ አንፀባርቋል፡፡

የቀድሞው የኤሲ ሚላን ኮከብ እየተጫወተበት ያለው ኒውዮርክ ሲቲ ክለብ በኢስተርን ኮንፍረንስ ግማሽ ፍፃሜ ጨዋታ በቶሮንቶ ተረቶ ከውድድሩ እስከወጣበት ጊዜ ለክለቡ በ33 ጨዋታዎች ላይ መሰለፍ ችሏል፡፡ ፒርሎ በአሜሪካው ክለብ የአንድ አመት የኮንትራት ጊዜ ይቀረዋል፡፡ ነገር ግን የቀጣዩ አመት ውድድር ከመጋቢት በፊት ስለማይጀመር ብቃቱን ለመጠበቅ ሲል ከቀድሞው አሠልጣኙ ጋር ልምምዱን እየሰራ በኤልሲ ቤት የሚቆይ ይሆናል፡፡

Advertisements
%d bloggers like this: