Skip to content
Advertisements

“ድሉን ለማርዋን ፌላይኒ መታሰቢያነት አበርክቻለሁ” – ጆዜ ሞሪንሆ

በዘውዱ በሬሳ | ታህሳስ 3 ቀን 2009 ዓ.ም

ከተከታታይ ጨዋታዎች ነጥብ መጣል በኋላ ትናንት ምሽት የማውሪሲዮ ፖቼቲኖን ቶተንሐም በማሸነፍ ሶስት ነጥብ ያሳኩት የማንችስተር ዩናይትድ አሰልጣኝ ጆሴ ማሪያ ሳንቶስ ሞሪንሆ ፍሊክስ የጨዋታውን ውጤት ለሎጋው ቤልጅየማዊ አማካይ ማርዋን ፌላይኒ መታሰቢያነት ማበርከታቸውን ተናግረዋል፡፡

ከሳምንት በፊት ከኤቨርተን ጋር በተካሄደው ጨዋታ ተቀይሮ ከገባ በኋላ በፍፁም ቅጣት ምት ክልል ውስጥ በሰራው ጥፋት ክለቡን ሁለት ነጥቦች ያሳጣው ፌላይኒ ትናንት ለመቀየር በሚያሟሙቅበት ወቅት ከኦልድትራፎርድ ታዳሚ የፉጨትና የተቃውሞ ድምፅ የተሰነዘረበት ሲሆን በጨዋታውም ተሳትፎ ሳይኖረው ቀርቷል፡፡

ጆዜ ስለጉዳዩ ሲናገሩ”ለኛ በጣም አስፈላጊ ውጤት ነበር፡፡ ቡድኔ ጥሩ እንደመንቀሳቀሱ ድሉ የሚገባው እንደሆነ አስባለሁ ፤ ይህን ውጤት ለፌላይኒ መታሰቢያ እንዲሆን እፈልጋለሁ፡፡ ከደጋፊዎቻችን ተቃውሞ እየተሰነዘረበት ቢገኝም ለቡድኔ አስፈላጊ ሰው መሆኑን እንዲረዳ እፈልጋለሁ” ብለዋል፡፡

ማንችስተር ዩናይትድ በአርሜኒያዊው ጥበበኛ ሄንሪክ ሚኪታሪያን ጎል ታግዞ ወደአሸናፊነት መመለሱ ይታወቃል፡፡

Advertisements
%d bloggers like this: