Advertisements
ትኩስ ዜናዎች

በቡንደስሊጋው እስከ 2021ለመንገስ ያቀደው ኮከብ

በምህረት ተስፋዬ የባቫሪያኖቹ ኮከብ የ28 አመቱ የፊት መስመር ተጫዋች ሮበርት ሌዋንዶስኪ በባየርን ሙኒክ እስከ 2021 ሚያቆየውን ውል ተፈራርሟል።

የተጨዋቹ ውሉ ማደስ ለበርካታ የተጨዋቹ ፈላጊ ክለቦች ጥሩ ያልሆነ ዜና ሲሆን በተለይ የእንግሊዝ ክለቦች እንደ ማንችስተር ዩናይትድ፣ አርሰናል እና ቼልሲ የተጫዋቹን ፊርማ ፈላጊ ክለቦች  ነበሩ። ለተጨማሪ አመታት በባየርን ሚያቆየውን ውል ማራዘሙን ተከትሎ ደስተኛ መሆኑንም ገልጽዋል። 2014 ላይ ነበር ተቀናቃኛቸው የሆነውን ቦርሺያ ዶርትሙንድን ለቆ ባየርን ሙኒክን የተቀላቀለው። ክለቡንም ከተቀላቀለበት  ጊዜ ጀምሮ ስኬታማ ጊዜን እያሳለፈ ይገኛል። ክለቡም በ 2014/2015 እና 2015/2016 የቡንደስሊጋው ሻንፒዬን ሲሆን፣ 2015/2016 የጀርመን ካፕ አሸናፊ ሲሆን እንዲሁም  የጀርመን ሱፐር ካፕ አሸናፊ ሲሆን የበኩሉን አስተዋፆ አርጓል።

image

ተጨዋቹ 2016-17 የውድድር አመት  እስካሁን 19 ጎሎችን ማስቆጠር ሲችል ባለፈው የውድድር አመት በሁሉም ውድድሮች በአጠቃላይ 42 ጎሎችን ለቡንደስሊጋው ሻምፒዮን ማስቆጠር ችሏል። ይህ ድንቅ አጥቂ ሰኞ ለት በተከናወነው የባላንዶር ድምፅ አሰጣጥ 16ተኛ ደረጃን አግኝቷል። ሆኖም በድምፅ አሰጣጡ ደስተኛ አለመሆኑን በማህበራዊ ድረገጽ Twitter ላይ ቅሬታውን ገልፇል።
ከቡንደስሊጋው የቡድን አጋሩ የሆነው አርትሮ ቪዳል 14ተኛ ደረጃ ን ሲይዝ እንደዚሁም የዶርትሙንዱ ፔር ኤምሪክ አውቦሚያንግ 11ኛ ደረጃን ይዟል። በድምፅ አሰጣጡ ቪዳል እና አውቦሚያንግ ከሌዋንዶስኪ የተሻለ ደረጃን ማግኘት ችለዋል። ሮበርት ሌዋንዶስኪ አለማችን ላይ አሉ ከሚባሉ የፊት መስመር ተጨዋቾች ተርታ የሚመደብ ድንቅ ተጫዋች ነው።

Advertisements
About ፈይሰል ሀይሌ (138 Articles)
የኢትዮአዲስ ስፖርት ስራ አስኪያጅ እና የስፖርት ዜናዎች ፀሀፊ
%d bloggers like this: