ማን ዩናይትድ አስገራሚ የስፖርት ዜናዎች እንግሊዝ ፕሪሚየር ሊግ

​እውነታዎች፡ ስለ ማንችስተሩ አማካኝ ሁዋን ማታ የማታውቁዋቸው 10 አስገራሚ ነገሮች

ታህሳስ 6,  2009|ሚኪያስ በ. ወርዶፋ


1. ማታ ለአንድ ቀን አብሮት ቡና የመጠጣት እድል ቢያገኝ የሚመርጠው ሰው የቀድሞውን የቡድኑ ኮከብ ‘ኤሪክ ካንቶናን’ ነው፡፡

2. ማታ እንደ አብዛኛዎቹ የእግር ኳስ ተጫዋቾች ትምህርቱን በጊዜ ያቋረጠ ሳይሆን በስፖርት ሳይንስና ማርኬቲንግ ትምህርቶች ዲግሪውን መስራት የቻለ ተጫዋች ነው፡፡ 

3. ማታ ካያቸው ፊልሞች እስከዛሬ ድረስ በጣም የወደደውና ስለ ፊልም ሲጠየቅ ቀድሞ የሚጠራው ‘ሚድናይት ኢን ፓሪስ(Midnight in Paris)’ የተሰኘውን ፊልም ነው፡፡

4. የማታ የልጅነት የእግር ኳስ ጀግናው የቀድሞው የአርጀንቲናና የአለም ኮከብ ዲያጎ አርማንዶ ማራዶና ነው፡፡ 

5. የማታ የምንግዜም የልብ ጓደኛው የግራናዳው ተጫዋች ዴቪድ ላምባን ነው፡፡

6. ማታ ሁሌም እንቅልፍ ከመተኛቱ በፊት ‘የማንቂያ ደውል(alarm)’ ካልሞላ እንቅልፍ አይወስደውም፡፡ 

7. በእግር ኳሱ አለም ብዙ ተጫዋቾችና አሰልጣኞች እንደ ጥሩ እድል ወይም እንደ ‘ዘመናዊ ጥንቆላ(Modern Superstition)’ ሊወሰድ የሚችል የሚከተሉት አንድ ልምድ እንዳላቸው ይታወቃል፡፡ ማታም ሁሌም ከመራመዱ በፊት የግራ እግሩን ከቀኙ ያስቀድማል፡፡ 

8. ማታ ለማንችስተር አንድ ተጫዋች እንዲያስፈርም እድሉ ቢሰጠው የሁልጊዜም ምኞቱ የባርሴሎናው አንድሬ ኢኔሽታን ማስፈረም ነው፡፡ 

9. ማታ ከእግር ኳስ በመቀጠል የሚስበውና የሚወደው ስፖርት የጠረጴዛ ቴኒስ ነው፡፡

10. በመጨረሻም ማታ እግር ኳስ ተጫዋች መሆን ባይችል ኖሮ ሊሰማራበት የሚችለው ዘርፍ የማስታወቂያ ስራ ነበር፡፡  

   

Advertisements