Advertisements
ትኩስ ዜናዎች

አፍሪካ: -የናይጄሪያ መንግስት ለሱፐር ፋልኮኖቹ ቃል በገባው መሰረት የገንዘብ ሽልማት ሸለመ

By Eyob Dadi ታህሳስ 7 ቀን 2009 ዓም


ባሳለፍነው ሁለት ሳምንት የናይጄሪያ የሴት ብ/ቡድን ባልተከፈላቸው የጥቅማጥቅም ጉዳይ ላይ ከአገሪቷ መንግስት እና እግርኳስ ፌዴሬሽን ጋር ውዝግብ ውስጥ ገብቶ ቆይቷል።

ቡድኑ በካሜሮን ለ 10ኛ ጊዜ በተካሄደው የሴቶች የአፍሪካ ዋንጫ ላይ ተሳትፎ ዋንጫ ማግኘት ችሏል።

በፍጹም የበላይነት የአፍሪካ የሴቶች እግርኳስን የተቆጣጠሩት ሱፐር ፋልኮኖቹ ለ 8ኛ ጊዜ የአፍሪካ ዋንጫን ማንሳት የቻሉት ከሁለት ሳምንት በፊት ነበር።

ነገርግን ወደ አገራቸው ሲመለሱ ቃል የተገባላቸው ሽልማት እና የተለያዩ አበሎችን ማግኘት ባለመቻላቸው ተቃውሞ ሲያሰሙ ቆይተዋል።

በተለይ እሮብ ፕሬዝዳንቱ የአገሪቷን የረጅም ጊዜ እቅድ ለማቅረብ በፓርላማው መሰብሰቢያ በተገኙበት ወቅት ተጨዋቾቹ ተቃውሟቸውን ገልጸዋል።

በመቀጠል ወደ ፕሬዝዳንቱ መኖሪያ ቤት በማቅናት ተቃውሟቸውን ሲያቀርቡ የፕሬዝዳንቱ ተወካይ መንግስት ተቃውሞውን እንደሰማ እና በሁለት ቀኖች ውስጥ ክፍያው እንደሚያገኙ ተነግሯቸው ተመልሰዋል።

መንግስት በቃሉ መሰረት ዛሬ ለተጨዋቾቹ እና ለቡድኑ የአሰልጣኞች አባላት የቦነስ፣የአበል እና ሌሎች ጥቅማጥቅሞችን ከፍሏቸዋል።

የእግርኳስ ፌዴሬሽኑም በፌስቡክ ገጹ ላይ ክፍያ መፈጸሙን አረጋግጧል።

Advertisements
About ዕዮብ ዳዲ (1236 Articles)
ይህን ጽሁፍ ያዘጋጀሁላችሁ የኢትዮአዲስ ስፓርት ድረገጽ አዘጋጅ እና የስፓርት ፀሀፊ ዕዮብ ዳዲ ነኝ።
%d bloggers like this: