Advertisements
ትኩስ ዜናዎች

ቅዱስ ጊዮርጊስ ከ ወላይታ ድቻ የጨዋታ ዳሰሳ

በሊጉ 7ኛ ሳምንት ጨዋታ  የሊጉን መሪ ቅዱስ ጊዮርጊስ እና  ወላይታ ዲቻን ያገናኛል image

በፈይሰል ኃይሌ
በአፍሪካ ቻምፒየንስ ሊግ ውድድር በቅድመ ማጣሪያው ከአምናው የሴሸልስ ሊግ አሸናፊ ኮትዲኦር ጋር የተደለደሉት ፈረሰኞቹ የፊታችን ቅዳሜ ወላይታ ድቻን ያስተናግዳሉ፡፡ ምንም እንኳ የሊጉን የደረጃ ሰንጠረዥ ከደደቢት እና አዳማ ከነማ በግብ ክፍያ ተሸለው በ11 ነጥቦች እየመሩ ቢገኙም  የቅዱስ ጊዮርጊስ ደጋፊዎች በዋና አሰልጣኙ ሆላንዳዊው ማርትኖይ ላይ ቅሬታቸውን በተለያዩ መንገዶች እያሰሙ ይገኛሉ፡፡ ፈረሰኞቹ ጅማሬያቸውን 3 ተከታታይ ጨዋታዎችን በማሸነፍ አስፈሪ የተባለ ግስጋጋሴን ቢያደርጉም  ባለፉት 3 ጨዋታዎች ግን 3 ነጥቦች ማግኘት አልቻሉም፡፡ በፋሲል ከነማ ተረትተው ከአዳማ ከነማ እና ሲዳማ ቡና ጋር አቻ ተለያይተዋል፡፡

ክለቡ ባለፉት ሳምንታት ውጤት ቢያጣም የተከላካይ ክፍሉ ግን አሁንም በሊጉ ካሉ ክለቦች ከአለት የጠጠረ ነው ፡፡ እስካሁን  በፋሲል ከነማ 2 ግቦች መረባቸው ከተደፈረ በዋላ በየትኛውም የሊጉ ክለብ ግብ አላስተናገዱም፡፡ ይህም በሊጉ ካሉ ክለቦች ቀዳሚው ያደርጋቸዋል፡፡ ሌላው ፈረሰኞቹ በ6ቱ ሳምንት 9 ግቦችን ተጋጣሚዎቻቸው መረብ ላይ ያሳረፉ ሲሆን ከእነዚህ ግቦች ውስጥም 6ቱን ማስቆጠር የቻሉት አዳነ ግርማ እና ሳላዲን ሰይድ ናቸው፡፡

image

የቅዱስ ጊዮርጊስ ተጋጣሚ የሆነው ወላይታ ድቻ  1 ተስተካካይ ጨዋታ ከፋሲል ከነማ ጋር  እየቀረው በ8 ነጥቦች በሊጉ 5ኛ  ደረጃ ላይ  ተቀምጧል፡፡ በቀድሞ የኢትዮጵያ ቡና እና አርባ ምንጭ ከነማ የፊት መስመር ተሰላፊ ዋና አሰልጣኝነት የሚመራው ወላይታ ድቻ በሊጉ እስካሁን 1 ሽንፈት ብቻ ያስተናገደ ሲሆን  2 አሸንፎ  በ2ቱ ደግሞ አቻ ተለያይቷል፡፡ 4 አስቆጥሮ 2 ብቻ ተቆጥሮበታል፡፡ የክለቡ የፊት መስመር ተሰላፊ አላዛር ፋሲካ ከተቆጠሩት 4 ግቦች መሀል  2ቱን በማስቆጠር  የክለቡ ኮከብ ግብ አስቆጣሪ ነው፡፡
ሁለቱ ክለቦች ባለፉት 4 የሊጉ ጨዋታዎች ውጤታቸው
W – WIN (አሸነፈ)
D-  DRAW (አቻ)
L – LOSE (ተሸነፈ)

ቅዱስ ጊዮርጊስ  W L D D
ወላይታ ድቻ    W L D D

Advertisements
About ፈይሰል ሀይሌ (180 Articles)
የኢትዮአዲስ ስፖርት ስራ አስኪያጅ እና የስፖርት ዜናዎች ፀሀፊ
%d bloggers like this: