Advertisements
ትኩስ ዜናዎች

“ራሴን ለማጥፋት ፈልጌ ነበር” – ኢማኑኤል ኤቡዌ

​በወንድወሰን ጥበቡ | ታህሳስ 14፣ 2009 ዓ.ም

የቀድሞው የአርሰናል ተጫዋች ኢማኑኤል ኤቡዌ ከእግርኳስ ጨዋታ ለአንድ ዓመት ያህል መታገዱ ከባድ ሆኖበት እራሱን ለማጥፋት አስቦ እንደነበር ገልፅዋል።

አይቮሪኮስታዊው ተጫዋች ለወኪሉ መክፈል ይገባው የነበረን ክፍያ ባለመክፈሉ በዓለም አቀፉ አቀፉ እግርኳስ ማህበር ለአንድ ዓመት ያህል እግርኳስ እንዳይጫወት የእግድ ቅጣት ተላልፎበት ተግባራዊ እየሆነበት ይገኛል።

ወኪሉ ሰባስቲያን ቦሱ ደንበኛው በ2011 ከአርሰናል ወደጋላታሳራይ ሲዛወር ሊከፍለው ይገባ የነበረ 1 ሚሊዮን ፓውንድ የሚጠጋ ክፍያ አልተከፈለኝም ብሎ ክስ አቅርቦበታል። ፊፋም ኤቡኤን ተጠያቂ በማድረግ ቅጣቱን በማስተላለፉ ከሰንደርላንድ ጋር የነበረው ኮንትራት እንዲሰረዝ ሆኗል።

የ33 ዓመቱ የመስመር ተከላካይ አቋሙን ጠብቆ ለማቆየት በከፊል ፕሮፌሽናል ከሆኑ ተጫዋቾች ጋር በለንደን ልምምድ እየሰራ የሚገኝ ቢሆንም በቀደሙት ወራት ከጫዋታዎች መገለሉ ጉዳት ላይ እንደጣለው ገልፅዋል።

“ከአልጋ የመውርድ ፍላጎት የማይሰሙኝ በርካታ ቀናት አሉ።” ሲል ለደይሊ ቴሌግራፍ ተናግሮ “አንድ ቀን ራሴን ለማጥፋት ፈልጌ ነበር። ስለቤተሰቦቼ ማሰቤ ያለብኝ መሆኔ ግን ጠንከራ አደረገኝ። ነገር ግን ብቸኛ ነበርኩ። ራሴ ላይ ላደርግ የነበረውን ነገር አሁን ሳስበው ግን ያስጨንቀኛል።

“ወደውጪ ሳልወጣ በመኝታ ቤቴ ውስጥ በመቆየት የማሳልፍባቸው ጊዜያት ነበሩ። ለብቻዬ ሆኜ አንድ እና ሁለት ቀናት ያህል በዚያ ክፍል ውስጥ እቆይም ነበር። በሩን ዘግቼም ዝም ብዬ አስብ ነበር። ብዙ ጊዜዬንም መፅሃፍ ቅዱስ በማንበብ ‘ኢማኑኤል ለምንድነው ይህን የምታደርገው? ድርጊትህ ለቤተሰቦችህ ጥሩ አይደለም።’ ስል ለራሴ ነገረኩት።

“ልጄ ማቲስ ገና ሰባት ዓመቱ ነው። በአርሰናል ማሰልጠኛም እየተጫወተ ይገኛል። ሁልጊዜም ከእሱ ጋር ወደዚያ ሳመራ ሰዎች ምን እየሆነ እንዳለና ነገሮች እየከፉ ስለመሆናቸው ጉዳይ ይጠይቁኛል። ‘ኢማኑኤል እግርኳስ ልታቆም ነው?’ ይሉኛል። ስለሁኔታው ደግሞ ማብራራት ይጠበቅብኛል። ይህ ደግሞ ይበልጥ ጭንቀት እየፈጠረብኝ መጣ።

“የሚያውቁኝ ሰዎች ፊቴን ተመልክተው ደስተኛ አለመሆኔን መናገር ይችላሉ። ይህ ደግሞ የእግርኳስ ህይወቴ ውድቀት ነው።” ሲል ገልፅዋል።

የቀድሞው የአርሰናል ወዳጁን ኮሎ ቱሬን ጨምሮ ከቅርብ ወዳጆቹ ጋር አለመገናኘቱ ነገሮችን ይበልጥ እንዲከፉ እንዳደረጉበትም ይናገራል።

“ኮሎ ቅጣት በተጣለበት ወቅት [በ2011 የማበራታቻ መድሃኒት ምርመራን ሳያልፍ በቀረበት] ሁልጊዜም አወራው ነበር።” ሲል ገልፆ “በሴልቲክ የተወሰኑ ችግሮች አሉበት። ስለዚህ [ችግሩ ምን እንደሆነ] ይገበኛል። መጥፎ ነገርም አልናገርም።

“ሁሉም የእኔ ታላቅ ወንድሞቼ ናቸው። ስለችግሬ እንደሚረዱም አውቃለሁ። ነገር ግን አንድ ቀን እንደሚደውሉልኝ ተስፋ አደርጋለሁ። በእርግጥ ይህ ተስፋ የሚያስቆርጥ ነገር ነው። ጓደኝንነት ጠንካራ ነገር እንደሆነ አስባለሁ። በችግር ጊዜያት ጓደኞሞች መሆን ይጠበቅብሃል። ነገር ግን ህይወት እንደዚህ ናት። ይህንንም በበጎ እወስደዋለሁ።” ሲል ተናግሯል።

Advertisements
%d bloggers like this: