Advertisements
ትኩስ ዜናዎች

የእሁድ አመሻሽ የአውሮፓ ጋዜጦች የዝውውርና ሌሎች አስደንጋጭ እንዲሁም አዝናኝ ወሬዎች

በሚኪያስ በ. ወርዶፋ| ታህሳስ 16, 2009

ሆፌንየም በ 22 አመቱ ተከላካይ ኒክላስ ሱሌ ዝውውር ዙሪያ ከባየር ሙኒክ ጋር የቅድመ ዝውውር ስምምነት በማድረጉ  ቼልሲዎች ለዝውውር የሚፈልጉት ይህ ተጫዋች ከእጃቸው መውጣቱ ታውቋል። (ቢልድን ጠቅሶ ዘ ሰን እንደፃፈው)

በዚህ የፈረንጆቹ አመት መጨረሻ ከኒውዮርክ ሲቲ ክለብ ጋር ያለው ኮንትራት የሚጠናቀቀውና ከውል ውጭ የሚሆነው ፍራንክ ላምፓርድ ወደ ቀድሞው ክለቡ ቼልሲ መመለስ እንደሚፈልግ ተገልጿል። (ስካይ ስፓርት)

የሰንደርላንዱ አሰልጣኝ ዴቪድ ሞይስ አጥቂያቸው ጀርሜን ዴፎ ለሽያጭ የሚቀርብ ተጫዋች እንዳልሆነ ተናግረዋል። (ሰንደርላንድ ኤኮ)

የቶትነሀሙ ሊቀመንበር ዳንኤል ሌቪ የክለቡ ተከላካይ ቶቢ አልደርዋየርድ አዲስ የአምስት አመት ኮንትራት ስምምነት እንደሚፈፅም ተስፋ አድርገዋል። (ሚረር)

የናፓሊው አጥቂ ማኖላ ጋብያድኒ ክለቡን ወደ መልቀቅ መቃረቡን የክለቡ ፕሬዝዳንት ገለፁ። (ስፓርትስ)

የሊቨርፑሉ አሰልጣኝ የርገን ክሎፕ በመጪው ጥር ወር ክለቡ አዲስ ተጫዋች ባያስፈርም ደጋፊዎች ድንጋጤ ውስጥ እንዳይገቡ ከወዲሁ አሳስበዋል። (የሊቨርፑል ድህረገፅ)

ከዌስትብሮም ጋር አዲስ ኮንትራት የተፈራረመው የ 35 አመቱ የቀድሞው የእንግሊዝ ብሄራዊ ቡድን በረኛ ቤን ፎስተር ከክለቡ ጋር ስኬትን እያለመ ይገኛል።  (ኤክስፕረስ እና ስታር)

በመጨረሻም …

ጆሴ ሞውሪንሆ አጥቂያቸው ዛላታን ኢብራሂሞቪች ወደ ቻይና እንደማይሄድና በዩናይትድ ቤት የእግር ኳስ ዘመኑን እንደሚያጠናቅቅ ተናገሩ። (ሚረር)

የቀድሞው የዩናይትድ አሰልጣኝ ዴቪድ ሞይስ ማንችስተር ዩናይትድ በአብዛኛው ጊዜ ብሪታኒያዊ አሰልጣኞችን ብቻ የመቅጠር ባህሉን መተውን ገለፁ። (ቢቢሲ)


Advertisements
About ሚኪያስ በቀለ (391 Articles)
ይህን ዘገባ ያቀረብኩላችሁ የኢትዮአዲስ ስፓርት ኤዲተርና ፀሀፊ እኔ ሚኪያስ በቀለ ነኝ።
%d bloggers like this: