Advertisements
ትኩስ ዜናዎች

ውዝግብ: ሜምፈስ ዲፔይ ሺሻ ሲያጨስ የሚያሳይ ፎቶ ይፋ መሆኑ ትልቅ ውዝግብ እንደሚያስነሳ ተጠብቋል።

​ሚኪያስ በ. ወርዶፋ| ሀሙስ ታህሳስ 20, 2009

የማንችስተሩ ሆላንዳዊ የ 22 ዓመት የክንፍ ተጫዋች ሜምፈስ ዲፔይ በሀገሩ ሆላንድ ሮተርዳም ከተማ ሺሻ ሲያጨስ እንዲሁም ከሶስት ሴቶች ጋር ሆኖ መጠጥ ሲጠጣ የሚያሳይ ፎቶ ይፋ ሆኗል። 

የመረጃው ምንጭ ዘ ሰን አገኘሁ (ከላይ በምስሉ እንደሚታየው) ብሎ ይፋ እንዳደረገው ፎቶ ከሆነ ዲፔይ ድርጊቱን ሲፈፅም በፓፓራዚዎች እጅ የወደቀው ከቤቱ አቅራቢያ በሚገኝ አንድ የሺሻ ማስጨሻና መዝናኛ ስፍራ ውስጥ በሆላንድ ሰአት አቆጣጠር ከምሽቱ 12 ሰአት ነው።    

በ 25 ሚሊዮን ፓውንድ በሆነ የዝውውር ገንዘብ የኦልትራፎርዱን ክለብ የተቀላቀለው ዲፔይ በዩናይትድ ቤት እያሳየ ባለው ደካማ ብቃት ውጪ ውጪውን እያየ ያለውና በመጪው ጥር ወደ ኤቨርተን ያመራል ተብሎ እየተጠበቀ ነበር። 

መረጃውን ለዘ ሰን  ያደረሰው ውስጥ የውስጥ አዋቂ ምንጭም “በመዝናኛ ስፍራው ከሶስት ጓደኞቹ ጋር ሆኖ የአያክስን ጨዋታ እየተመለከቱ ሁሉም የየራሳቸውን የሺሻ ማጨሻ እቃ ይዘው እያጨሱ ነበር። ዴፔይን ለጥቂት ጊዜያት በዚህ መዝናኛ ቦታ አይጨዋለሁ። በቅርቡ ወደ እዚህ አካባቢ መኖሪያ ቀይሮ ገብቷል። ወደ መዝናኛ ስፍራውም ሺሻ ለማጨስ ሰው ቀለል የሚልበትን ሰአት ጠብቆ ይመጣል። ቅርብ ጊዜ ላይም ከሆላንዱ ታዋቂ ራፐር ቦሌቦፍ ጋር ወደ እዚህ መጥቶ ነበር።” ሲል ስለ ሁኔታው አስረድቷል።

ከዚህ ቀደም የአስቶንቪላው አጥቂ ጋቢ አግቦንላሆር፣ የሲቲው ራሂም ስተርሊንግ እና በውሰት በርንማውዝ የሚገኘው የአርሰናል ንብረት የሆነው ጃክ ዊልሻየር ከዚህ ቀደም ተመሳሳይ አድራጎት ሲፈፅሙ ተይዘዋል።

በሌላ በኩል እስካሁን በተጫዋቹ አድራጎት ዙሪያ ከክለቡ በኩል እስካሁን የተሰማ ምንም አይነት ነገር የለም እንደሌለ ታውቋል። ነገር ግን ሁኔታው የዩናይትድና የተጫዋቹ የቀዘቀዘ ግንኙነት ላይ ይበልጥ ጥላ የሚያጠላበትና የተጫዋቹን የክለብ ቆይታ ጊዜ ይበልጥ እንደሚያሳጥረው ይጠበቃል።

በመጨረሻም ዘ ሰን የብሪቲሽ የልብ ማዕከል ድህረገፅን መረጃ ጠቅሶ እንደፃፈው አንድ ሙሉ ሺሻ ማጨስ 200 ሲጋራ ከማጨስ ጋር እኩል እንደሆነና ሺሻ እንደ ሲጋራ በውስጡ ኒኮቲን፣ ታር፣ ካርቦን ሞኖክሳይድና ከባባድ ብረቶችን የመሳሰሉ መርዛማ ኬሚካሎችን  እንደያዘ ጨምሮ አስረድቷል።

Advertisements
About ሚኪያስ በቀለ (266 Articles)
ይህን ዘገባ ያቀረብኩላችሁ የኢትዮአዲስ ስፓርት ኤዲተርና ፀሀፊ እኔ ሚኪያስ በቀለ ነኝ።
%d bloggers like this: