Advertisements
ትኩስ ዜናዎች

የጨዋታ ቅድመ ዳሰሳ ፡- ደደቢት vs ኢትዮጵያ ንግድ ባንክ

አስራት ሀይሌን ዋና አሰልጣኝ አድርጎ ከቀጠረ በዋላ ሽንፈት ያልቀመሰው ደደቢት ከኢትዮጵያ ንግድ ባንክ ጋር የፊታችን ቅዳሜ 9፡30 ላይ በአዲስ አበባ ስቴዲየም ይጫወታል፡፡

ለኢትዮአዲስ ስፖርት በፈይሰል ኃይሌ ተዘጋጅቶ የቀረበ 

የደደቢቱ ዋና አሰልጣኝ አስራት ሀይሌ በቡድኑ ተጫዋቾች የአካል ብቃት ደረጃ ደስተኛ አለመሆናቸውን እና እርሳቸው በሚፈልጉት ደረጃ አለመገኘቱ ቢያሳስባቸውም ደደቢት ግን የቀድሞውን ውጤታማ የአትዮጵያ ብሄራዊ ቡድን አሰልጣኝ ከሾመ በዋላ በሊጉ የውጤታማነት ጉዞውን ተያይዞታል፡፡ ከ ወልዲያ ከነማ ጋር አቻ ከመለያየታቸው ውጪ ሌሎች ያደረጓቸውን ጨዋታዎች መርታት የቻሉት ሰማያዊዎቹ በሊጉ መሪ በግብ ከፍያ ተበልጠው ተከታዩን ደረጃን ተቆናጠዋል፡፡

በፈረሰኞቹ ከደረሰባቸው ሽንፈት ውጪ በሊጉ ምንም አይነት ጨዋታን ያልተረተቱት ሰማያዊ ለበሾቹ 4ቱን አሸንፈው በ2ቱ አቻ ተለያይተው በ14 ነጥብ እና በ6 ንጹ ግብ 2ኛ ደረጃን በመያዝ ከመሪው አንገት ስር እየተነፈሱ ይገኛሉ፡፡ የክለቡ ፊት አውራሪ ጌታነህ ከበደም ክለቡ ካስቆጠራቸው 8 ግቦች መሀል 6ቱን በማስቆጠር የሊጉ ኮከብ ግብ አግቢ በመሆን እየመራ ይገኛል፡፡ የውድድር አመቱን ጠንካራ ተከላካይ መስመር የያዘው ደደቢት እስካሁን በሊጉ 2 ግቦች ብቻ ተቆጥረውበታል፡፡ እነሱም ግቦች መቆጠረ የቻሉት ከፈረሰኞቹ ጋር ባደረጉት የሊግ ጨዋታ ነበር፡፡
image

በሊጉ ጅማሮ አጋማሽ  ወራጅ ቀጠናው ላይ ሲርመሰመሱ የነበሩት ኢትዮጵያ ንግድ ባንኮች ከፍተኛ ለውጥ እና መሻሻል በማምጣት በሊጉ የደረጃ ሰንጠረዥ 8ኛ ላይ መቀመጥ ችለዋል፡፡ ከበድ ያሉ ሽንፈቶችን በአዲስ መጪዎቹ ጅማ አባ ቡና እና ወልዲያ ከነማ አስተናግደው ዘንድሮ ሊወርዱ ይሆን ቢባሉም በፍጥነት አንሰራርተው ባለፉት 4 ጨዋታዎች ማግኘት ከነበረባቸው 12 ነጥቦች 8ቱን ማሳካት ችለዋል፡፡ ተከላካይ ከፍላቸው እስካሁን በ1 ጨዋታ በአማካይ 1ግብ እያስተናገደ የሚገኝ ሲሆን  በ7 ጨዋታም 7 ግቦች ተቆጥሮበታል፡፡ ንግድ ባንክ እንደተቆጠረበት 7 ግብ ሁሉ ተጋጣሚዎቹ ላይም 7 ግቦችን አሳርፏል፡፡ ለክለቡ መልካም ዜና 1 ተስተካካይ ጨዋታ ከአዋሳ ከነማ ጋር የሚቀረው ሲሆን ይህንን ጨዋታ ማሸነፍ የሚችል ከሆነም ከመሪዎቹ ተርታ መሰለፍ ይችላል፡፡

ሁለቱ ክለቦች ባለፉት 5 የሊጉ ጨዋታዎች ውጤታቸው
W – WIN (አሸነፈ)
D-  DRAW (አቻ)
L – LOSE (ተሸነፈ)
ደደቢት             D W D W  W
ኢትዮጵያ ንግድ ባንክ  L D W W D

Advertisements
About ፈይሰል ኃይሌ (391 Articles)
የኢትዮአዲስ ስፖርት ስራ አስኪያጅ እና የስፖርት ዜናዎች ፀሀፊ
%d bloggers like this: