ወደ ሸገር አቅንተው  1 ወርቃማ ነጥብ  ይዘው የተመለሱት ድሬዳዋ ከነማ እና አርባምንጭ ከነማ በሊጉ 8ኛ ሳምንት የፊታችን ቅዳሜ በ9 ሰአት  ይፋለማሉ፡፡

ለኢትዮአዲስ ስፖርት በፈይሰል ኃይሌ ተዘጋጅቶ የቀረበ 

በሊጉ የደረጃ ሰንጠረዥ 10ኛ ደረጃ ላይ የተቀመጡት ድሬዳዋ ከነማ እና በሊጉ 9 ነጥቦችን በመሰብሰብ 7ኛ ደረጃ ላይ የሚገኙት አርባምንጭ ከነማዎች ወሳኙን የኢትዮጵያ ፕሪሚየር ሊግ ጨዋታ ያደርጋሉ፡፡ ድሬዳዋ ከነማዎች በበርካቶች ባልተጠበቀ መልኩ ባሳለፍነው ሳምንት መጨረሻ አፈግፍገው ተጫውተው ከኢትዮጵያ ቡና ጋር ነጥብ ተጋርተው ጨዋታቸውን ያጠናቀቁ ሲሆን በተመሳሳይ አርባምንጭ ከነማም ከኢትዮጵያ ንግድ ባንክ ባደረገው ጨዋታ 2-2 አቻ በመለያየት ወሳኙን 1 ነጥብ ማግኘት ችለዋል፡፡

ድሬዳዋ ከነማዎች በውድድር ዘመኑ 7 ጨዋታዎችን አድርገው  2ቱን ብቻ መርታት የቻሉ ሲሆን በ2ቱ አቻ ወጥተው በ3ቱ ደግሞ ሽንፈት ደርሶባቸዋል፡፡ ባሳለፍነው አመት በሊጉ በመጀመሪያው ዙር ከመሪዎቹ ተርታ የነበሩት ድሬዎች በያዝነው የውድድር ዘመን በ8 ነጥቦች 10ኛ ደረጃ ላይ በሊጉ ተቀምጠዋል፡፡ በደካማነቱ የሚጠቀሰው የፊት መስመራቸውም እስካሁን በሊጉ 3 ግቦችን ብቻ ያስቆጠረ ሲሆን  ተከላካይ ክፍሉ  በ7 ጨዋታዎች 5 ግቦችን ብቻ አስተግዷል፡፡

image

የድሬዳዋ ከነማ ተጋጣሚ የሆነው አርባ ምንጭ ከነማ በበኩሉ በሊጉ ጅማሬ በውጤት አዘቅት ውስጥ ቢንሳፈፍም የኋላ   የኋላ   በሰበሰባቸው ወርቃማ ነጥቦች ምክንያት በሊጉ 9 ነጥቦችን በመሰብሰብ 7ኛ ደረጃ ላይ ተቀምጧል፡፡ የፊት መስመሩ በሊጉ ካሉ አስፈሪ አጥቂዎች ተርታ የሚያስመድበው ገድል በ7ቱ ጨዋታ የፈጸመ ሲሆን እስካሁንም 9 ግቦችን ተጋጣሚዎቹ ላይ በማሳረፍ  ከፈረሰኞቹ በመቀጠል በርካታ ግቦችን  ማስቆጠር የቻለ ክለብ አድርጎታል፡፡ ክለቡ በርካታ ግቦችን ያስቆጥር እንጂ ያገባውን 9 ግብ ያህልም በ7ቱ ጨዋታዎች ያረፈበት ሲሆን  ይህም በሊጉ ከኢትዮጵያ ቡና ጋር በመሆን ቀዳሚው ክለብ ያደርገዋል፡፡

በድሬዳዋ ከነማ እና አርባምንጭ ከነማ ጨዋታ ላይ ሁለቱ ክለቦች የሚሸናነፉ ከሆነ የደረጃ ሰንጠረዡ ላይ ከፍ እና ዝቅ የማለት እድል እንደሚኖራቸው ይጠበቃል፡፡  ጨዋታው የፊታችን ቅዳሜ በ9 ሰአት በድሬዳዋ ኢንተርናሽናል ስቴዲየም የሚካሄድ  ይሆናል፡፡

ሁለቱ ክለቦች ባለፉት 5 የሊጉ ጨዋታዎች ውጤታቸው
W – WIN (አሸነፈ)
D-  DRAW (አቻ)
L – LOSE (ተሸነፈ)
ድሬዳዋ ከነማ   L W D L D
አርባምንጭ ከነማ  L W D W D

Advertisements