Skip to content
Advertisements

የጨዋታ ቅድመ ዳሰሳ ቅዱስ ጊዮርጊስ Vs ኢትዮጵያ ቡና

የኢትዮጵያ ፕሪሚየር ሊግ 8ኛ ሳምንት  የሊጉ መሪ ቅዱስ ጊዮርጊስ እና ኢትዮጵያ ቡናን ያገናኛል፡፡ ኢትዮአዲስ ስፖርትም ይህንን ተጠባቂ  እና ታላቅ ጨዋታ በጥልቀት የተመለከተች ሲሆን ታሪካዊ ዳራዎች ቁጥራዊ መረጃዎች እና የክለቦቹን ወቅታዊ መረጃዎችን ያሰናዳችበት ዘገባ እንዲከታተሉ  ትጋብዛለች፡፡

image

ለኢትዮአዲስ ስፖርት በፈይሰል ኃይሌ ተዘጋጅቶ የቀረበ 

ሁለቱም ክለቦች በተለያየ የውጤት ደረጃ ላይ ቢገኙም አሁንም ቢሆን ይህ ተጠባቂ ፍልሚያ በሁለቱ ክለብ ደጋፊዎች ዘንድ በጉጉት እየተጠበቀ ይገኛል፡፡ የፊታችን እሁድ አዲስ አበባ ስቴዲየም ቡናማውን እና ቡርቱካናማውን ማሊያ ለብሰው ባሸበረቁ የሁለቱ ደጋፊዎች እንደሚደምቅ ከወዲሁ እየተጠበቀም ይገኛል፡፡

የሁለቱ ቡድኖች ወቅታዊ አቋም 
ኢትዮጵያ ቡና  

⚽ ቡናማዎቹ የውድድር ዘመኑ በመልካም እየተጓዘላቸው አይገኝም በሊጉ ካደረጓቸው 7 ጨዋታዎች እስካሁን መርታት የቻሉት 1ዱን ብቻ ነው ሲሆን በ4ቱ አቻ ተለያተው  በ2ቱ ደግሞ ሽንፈትን አስተናግደዋል፡፡ ተጋጣሚዎቻቸው ላይ ሰ6 ግቦችን ሲያስቆጥሩ በአንጻሩ 9 ግቦችን ደግሞ አስተናግደዋል፡፡
⚽ የቡድኑ ደጋፊዎች በክለቡ ውጤት ማጣት መከፋታቸውን በእጅጉ በገለጹበት የእሁድ ከሰአቱ የአበበ በቂላው የኢትዮጵያ ቡና እና  የድሬዳዋ ከነማ ጨዋታ ቡናማዎቹ ሁለት ወርቃማ ነጥቦችን በዘንድሮው የውድድር ዘመን ለ4ኛ ጊዜ ጥለዋል፡፡ ይህንን ተከትሎም በ7 ነጥቦች በ12ኛ ደረጃ ላይ ለመቀመጥ ተገደዋል፡፡
⚽ ባለፉት 5 የክለቡ ጨዋታዎች ኢትዮጵያ ቡናዎች ማሳካት ከነበረባቸው 15 ነጥቦች ማሳካት የቻሉት 6 ነጥቦችን ብቻ ሲሆን ቀሪዎቹን 9 ነጥቦች ጥለዋል፡፡
⚽ ኢትዮጵያ ቡና በሊጉ ካደረጋቸው 7 ጨዋታዎች ብቸኛ ድሉ ሲዳማ ቡናን አዲስ አበባ ስቴዲየም ላይ 2-1 ያሸነፈበት ሲሆን ከዚህ ጨዋታ ውጪ በሊጉ ምንም አይነት ጨዋታዎችን መርታት አልቻለም፡፡

ቅዱስ ጊዮርጊስ

⚽ ቅዱስ ጊዮርጊሶች በውድድር ዘመኑ 7 የሊግ ጨዋታዎችን አድርገው 4ቱን መርታት የቻሉ ሲሆን በ2ቱ አቻ ወጥተው በ1ዱ ብቻ ሽንፈት አስተናግደዋል፡፡ 11 ግቦችን ተጋጣሚዎቻቸው ላይ አሳርፈው 2 ግቦች ብቻ ተቆጥሮባቸዋል፡፡ ይህንንም ተከትሎ ሊጉን በግብ ክፍያዎች በልጠው በ1ኛ ደረጃ ላይ ተቀምጠዋል፡፡
⚽ ፈረሰኞቹ ያለፉት 3 ሳምንታትን በውጤት አዘቅት ውስጥ ቢያሳልፉም ባሳለፍነው ሳምንት መጨረሻ ወላይታ ድቻን በመርታት በመጠኑ እፎይታን አግኝተዋል፡፡ ከበርካታ የቅዱስ ጊዮርጊስ ደጋፊዎች ትችት የተሰነዘረባቸው ሆላንዳዊው አሰልጣኝ ማርት ኖይ ከድሉ በዋላ በራስ መተማመን ባለው መልኩ ስቴዲየም አካባቢ ለብቻቸው እግር መንገድ ሲያደርጉም ተስተውሏል፡፡
⚽ ባለፉት የሊጉ 5  ጨዋታዎች ፈረሰኞቹ ማሳካት ከነበረባቸው 15 ነጥቦች መሀል ማሳካት የቻሉት 8ቱን ብቻ ሲሆን የተቀሩትን 7 ነጥቦች ደግሞ ጥለዋል፡፡
⚽ ፈረሰኞቹ በሊጉ ብቸኛ ሽንፈት ካስተናገዱት ደደቢት አዳማ እና ፋሲል በመቀጠል በሊጉ 1 ሽንፈት ብቻ ያስተናገዱም ሆነው ተመዝግበዋል።፡

image

የሁለቱ ቡድኖች ያለፉት አመታት የእርስ በእርስ ግንኙነት ውጤቶች እና ዋንጫዎች

⚽ ኢትዮጵያ ቡና እና ቅዱስ ጊዮርጊስ እስካሁን በሁሉም ውድድሮች ለ35 ያህል ጊዜያት ተገናኝተው ቅዱስ ጊዮርጊስ 20 ጊዜ በመርታት የበላይነቱን መያዝ ችሏል፡፡ በአንጻሩ ኢትዮጵያ ቡናዎች ደግሞ 6 ጊዜ ፈረሰኞቹን የረቱ ሲሆን የተቀሩት 9 ጨዋታዎች በአቻ ውጤት ተጠናቀዋል፡፡
⚽ ሁለቱም ቡድኖች  ለ35 ጊዜ ሲጫወቱ  በጋራ 64 ግቦች የተቆጠሩ ሲሆን በዚህም ፈረሰኞቹ የበላይነትን ይዘዋል፡፡ ቅዱስ ጊዮርጊሶች በ2ቱ ቡድኖች የአርስ በእርስ ግንኙነት 48 ግቦችን ሲያስቆጥሩ ኢትዮጵያ ቡናዎች ደግሞ 16 ግቦችን ፈረሰኞቹ ላይ ማስቆጠር ችለዋል፡፡
⚽ ፈረሰኞቹ እና ቡናማዎቹን በሊጉ ዋንጫ ንጽጽር ፈረሰኞቹ 13 ጊዜ የሊጉን ዋንጫ ከፍ ያደረጉ ሲሆን ኢትዮጵያ ቡናዎች የሊጉን ዋንጫ 1 ጊዜ መሳም ችለዋል፡፡ በጥሎ ማለፉ እና በሌሎች ውድድሮች ደግሞ ሲሰላ ኢትዮጵያቡና 11 ዋንጫዎችን ያነሳ ሲሆን ቅዱስ ጊዮርጊስ ደግሞ 42 ዋንጫዎችን ከፍ ማድረግ ችሏል፡፡

  ያለፉት አመታት የሁለቱ ክለቦች የእርስ በእርስ ግንኙነት ውጤቶች 

image

2001  ⚽ ኢትዮጵያ ቡና 0- 1ቅዱስ ጊዮርጊስ
       ⚽ ኢትዮጵያ ቡና2 -1 ቅዱስ ጊዮርጊስ

2002 ⚽ ኢትዮጵያ ቡና 0 – 0ቅዱስ ጊዮርጊስ
       ⚽ ኢትዮጵያ ቡና 1 – 0ቅዱስ ጊዮርጊስ

2003 ⚽ ኢትዮጵያ ቡና 2 – 2 ቅዱስ ጊዮርጊስ
       ⚽ ኢትዮጵያ ቡና 0-0 ቅዱስ ጊዮርጊስ

2004 ⚽ ኢትዮጵያ ቡና 0- 3ቅዱስ ጊዮርጊስ
       ⚽ ኢትዮጵያ ቡና 0- 2ቅዱስ ጊዮርጊስ

2005 ⚽ ኢትዮጵያ ቡና 0-1 ቅዱስ ጊዮርጊስ
       ⚽ ኢትዮጵያ ቡና 0- 0 ቅዱስ ጊዮርጊስ

2006 ⚽ ኢትዮጵያ ቡና 1 – 2 ቅዱስ ጊዮርጊስ
       ⚽ ኢትዮጵያ ቡና 0 – 2 ቅዱስ ጊዮርጊስ

2007 ⚽ ኢትዮጵያ ቡና 1-0 ቅዱስ ጊዮርጊስ
       ⚽ ኢትዮጵያ ቡና 0-2 ቅዱስ ጊዮርጊስ

2008 ⚽ ኢትዮጵያ ቡና 0 -0 ቅዱስ ጊዮርጊስ
       ⚽ ኢትዮጵያ ቡና 0 – 0 ቅዱስ ጊዮርጊስ

image

የኢትዮጵያ ቡና እና ቅዱስ ጊዮርጊስ  ያለፉት 5 ጨዋታ ውጤቶቻቸው በፕሪሚየር ሊጉ

W – WIN (አሸነፈ)
D-  DRAW (አቻ)
L – LOSE (ተሸነፈ)
ኢትዮጵያ ቡና   L D W D D
ቅዱስ ጊዮርጊስ  W L D D W

Advertisements

ፈይሰል ኃይሌ View All

የኢትዮአዲስ ስፖርት ስራ አስኪያጅ እና የስፖርት ዜናዎች ፀሀፊ

%d bloggers like this: