Advertisements
ትኩስ ዜናዎች

በ 2016 ለዝውውር ብዙ ገንዘብ ያፈሰሰው የእንግሊዝ ፕሪምየር ሊግ ክለብ ማን ይሆን?

​በሚኪያስ በ. ወርዶፋ| ቅዳሜ ረፋድ ታህሳስ 22, 2009

የፕሪምየር ሊጉ ክለቦች ባሳለፍነው ክረምት ብቻ ለዝውውር ያወጡት ገንዘብ ከ 1 ቢሊዮን ፓውንድ በላይ ነበር። ያሳለፍነው አመት ጥር ደግሞ 200 ሚሊዮን ፓውንድ በተጫዋቾች ዝውውር ላይ ፈሷል።

ማንችስተር ዩናይትዶች የአለም ሪከርድ በሆነ 93.25 ሚሊዮን ፓውንድ ፓል ፓግባን አስፈርመዋል። ነገር ግን ባለፉት 12 ወራት ያወጡት 149.55 ሚሊዮን ፓውንድ ጎረቤታቸው ሲቲ ካወጣውና ከእንግሊዝ ክለቦች ትልቁ ወጪ ከሆነው 174.2 ሚሊዮን ፓውንድ ያነሰ ነው።  

ባሳለፍነው አመት ጥር ምንም ተጫዋች በዩናይትድ ቤት ያልተገዛ ሲሆን ኤሪክ ቤሊ (30 ሚሊዮን ፓውንድ) እና ሄነሪክ ማኪቴሪያንም (26.3 ሚሊዮን ፓውንድ) ወደ ዩናይትድ የተቀላቀሉት ባሳለፍነው ክረምት በሞውሪንሆ የአሰልጣኝነት ዘመን ነው። 

ሲቲ ለጆን ስቶንስ (50 ሚሊዮን ፓውንድ) ፣ ሌሮይ ሳኔ (37 ሚሊዮን ፓውንድ)፣ ጋብሪየል ጂሰስ (27 ሚሊዮን ፓውንድ)፣ ኢከይ ጉንዶጋን (21 ሚሊዮን ፓውንድ)፣ ክላውዲዮ ብራቮ (17.1 ሚሊዮን ፓውንድ)፣ ኖሊቶ (13.8 ሚሊዮን ፓውንድ)፣ ማርሎስ ሞሪኖ (4.75 ሚሊዮን ፓውንድ)፣ ኦሌክሳንደር ዚንቼንኮ (3.4 ሚሊዮን ፓውንድ) ያወጣው ወጪ ድምር በፕሪምየር ሊጉ የክለቦች የዝውውር ሂሳብ ስሌት በአንደኛነት አስቀምጦታል።

አንቶኒዮ ኮንቴ በበኩላቸው ከጣሊያን ብሄራዊ ቡድን አሰልጣኝነት ወደ ሰማያዊዎቹ ከተቀላቀሉ በኃላ ጥቂት ገንዘብ ለዝውውር አፍስሰዋል። ክለቡ ባለፋት 12 ወራት ካወጣው 122.7 ሚሊዮን ፓውንድ 3.5  ሚሊዮን ፓውንድ የሚሆነው የኮንቴ ድርሻ ነው። 

‘ለዝውውር ገንዘብ አያወጡም’ በሚል ደጋፊው ተስፋ የቆረጠባቸው አርሰን ቬንገር ባለፈው አመት ጥር ለሙሀመድ ኤልኔኒ  5 ሚሊዮን ፓውንድ ካወጡ በኃላ በክረምቱ ሻክታር ሙስጣፊ (35 ሚሊዮን ፓውንድ)፣ ግራን ዣካ (34 ሚሊዮን ፓውንድ)፣ ሉካስ ፔሬዝ (17.1 ሚሊዮን ፓውንድ)፣ ሮብ ሆልዲንግ (2 ሚሊዮን ፓውንድ)፣ እና 3.4 ሚሊዮን በተገመተ ወጪ ቶኩማ አሳኖን በማስፈረም በአጠቃላይ ባለፉት 12 ወራት  91.1 ሚሊዮን ፓውንድ በማውጣት አራተኛ ደረጃ ላይ ተቀምጠዋል።

ባሳለፍነው ጥር ከዘጠኝ ሚሊዮን ፓውንድ ባነሰ ዋጋ ዴማራይ ግሬይ (3.75 ሚሊዮን ፓውንድ)፣ ዳንኤል አማርቴይ (5 ሚሊዮን ፓውንድ)፣ እና ዳንኤል ሌቨርሰንን (0.2 ሚሊዮን ፓውንድ) ያመጡት ሌስተሮች በክረምት ባከናወኗዋቸው ትልልቅ ዝውውሮች 76.78 ሚሊዮን ፓውንድ አጠቃላይ ወጪ በማውጣት አምስተኛ ደረጃ ላይ ተቀምጠዋል።

ባሳለፍነው የውድድር ዘመን የወራጅ ቀጠናውን የተቀላቀሉት ኒውካስትል (29 ሚሊዮን ፓውንድ) እና ኖርዊች ሲቲ (20.3) ባሳለፍነው አመት ጥር ብዙ ገንዘብ ካወጡ ክለቦች መካከል ቢሆኑም ዝውውሩ ከወራጅነት አላተረፋቸውም። 

አዳጊዎቹ በርንሌዮች በበኩላቸው ባሳለፍነው ክረምት አየርላንዳዊውን ጂፍ ሄንድሪክን 10.5 ሚሊዮን ፓውንድ በሆነ ገንዘብ አዘዋውረው የዝውውር ሪከርዳቸውን ለሁለተኛ ጊዜ ሰብረዋል። ከሱ በተጨማሪም ስቴቨን ዴፉርን በ 8 ሚሊዮን ፓውንድ ማስፈረማቸው የዝውውር ወጪያቸው 22.1 ሚሊዮን ፓውንድ እንዲሆን አስችሏቸዋል። 

በሌላ በኩል ሊቨርፑል 11 ተጫዋቾችን በመሸጥ 84.4 ሚሊዮን ፓውንድ በማስመዝገብ የሊጉ ባለ ከፍተኛ የዝውውር ተጠቃሚ ክለብ መሆን ችሏል።  

ክለቡ ክሪስታን ቤንቴኬን (32 ሚሊዮን ፓውንድ)፣ ጆርደን አይቤ (15 ሚሊዮን ፓውንድ)፣ ጆ አለን 13 ሚሊዮን ፓውንድ)፣ ሊውስ አልቤርቶ (6ሚሊዮን ፓውንድ)፣ ብራድ ስሚዝ (6 ሚሊዮን ፓውንድ)፣  እና ማርቲን ስከርትል (5 ሚሊየን ፓውንድ) አሳልፎ ሰጥቷል። ነገር ግን በ 75 ሚሊዮን ፓውንድ የተጣራ ወጪ በስድስተኛነት ተቀምጧል። 

የ 2016 የእንግሊዝ ፕሪምየር ሊግ 20 ክለቦች ለዝውውር ያፈሰሱት ገንዘብ በእንግሊዝ ፓውንድ ስሌት መሰረት በቅደም ተከተል የሚከተለውን ይመስላል። 

ክለብ                         ይፋዊ የዝውውር ወጪ

1. ማንችስተር ሲቲ                £174.2 ሚሊዮን

2. ማንችስተር ዩናይትድ       £149.55 ሚሊዮን

3. ቼልሲ                            £122.7 ሚሊዮን

4. አርሰናል                        £93.1 ሚሊዮን 

5. ሌስተር ሲቲ                    £76.78 ሚሊዮን

6. ሊቨርፑል                        £75 ሚሊዮን

7. ዋትፎርድ                        £72.1 ሚሊዮን

8. ቶትነሀም                        £70.6 ሚሊዮን

9. ኤቨርተን                        £65 ሚሊዮን

10. ቦርንማውዝ                 £56.6 ሚሊዮን

11. ክሪስታል ፓላስ             £56.5 ሚሊዮን 

12. ሳውዝአምፕተን            £47.8 ሚሊዮን

13. ዌስትሀም                   £47.35 ሚሊዮን

14. ሰንደርላንድ                £41.85 ሚሊዮን

15. ስቶክ                          £36.55 ሚሊዮን

16. ስዋንሲ                      £35.25 ሚሊዮን

17. ሚድልስብራ               £27.8 ሚሊዮን

18. ዌስትብሮም               £22.5 ሚሊዮን

19. በርንሌይ                    £22.1 ሚሊዮን

20. ሁል ሲቲ                    £19.5 ሚሊዮን

Advertisements
About ሚኪያስ በቀለ (266 Articles)
ይህን ዘገባ ያቀረብኩላችሁ የኢትዮአዲስ ስፓርት ኤዲተርና ፀሀፊ እኔ ሚኪያስ በቀለ ነኝ።
%d bloggers like this: