Skip to content
Advertisements

ጂሩድ vs  ማኪቴሪያን: የማን ጎል የተሻለ ያምራል?

በሚኪያስ በ. ወርዶፋ| ሰኞ ጠዋት ታህሳስ 24, 2009 

ሄነሪክ ማኪቴሪያን ባሳለፍነው ሳምንት ሰኞ ሰንደርላንድ ላይ ግሩፕ የተረከዝ መሰል (back heel) ቄንጠኛና መቼም አይደገምም የተባለለት አይነት ግብ ማስቆጠሩ ይታወሳል። የአርሰናሉ ኦለቬ ዥሩድ ግን በትናንትናው እለት ተመሳሳይ ይዘት ያለው ግብ ክሪስታል ፓላስ ላይ ደግሟል።

ከዢሩድ ጎል በኃላ ግን የትኛው ጎል ይበልጣል በሚል ከአገራችን ኢትዮጵያ እስከ እንግሊዝ መላው አለም ላይ የሚገኙ የዩናይትድና አርሰናል ደጋፊዎች ጎራ ለይተው ክርክር ይዘዋል።

አንዳንድ የአርሰናል ደጋፊዎች እንደውም የዢሩድን ግብ የአመቱ ምርጥ ግብ ሲሉ ገና ግማሽ ጨዋታ በሚቀረው ሊግ ዚህ የተሻለ ግብ አናይም የሚል አይነት ድምዳሜ ላይ ደርሰዋል።

ይህ የማን ጎል ይበልጣል የሚለው ንትርክ በደጋፊዎች ብቻ የተወሰነ አይደለም። የአለም የተለያዩ የስፓርት ሚዲያ ልሳኖችና የእግር ኳስ ተንታኞች ጭምር ያሉበትና የተጋጋለ ነው። 

በዋነኛነት በሁኔታው ላይ እየዘገቡ ከሚገኙት የእንግሊዝ ጋዜጦች መካከል ዘሰንን ለምሳሌ ብንወስድ “ጂሩድ ከሳንቼዝ የተሻገረችውን ኳስ ቀድሟት በመሄድ አገኛት።  ከዛም በቄንጥ ኳሷን በግራ እግሩ መቶ የክሪስታሉን በረኛ ዋተይኔ ሄንሴይ ጎል ላይ ጨመራት።

የዩናይትዱ ማኪቴሪያንም ተመሳሳይ ጎል በቢክሲንግ ዴይ ዩናይትድ ሰንደርላንድን 3 – 1 በረታበት ግጥሚያ አስቆጥሯል። የማኪቴሪያን ግብ የተቆጠረችው በግሩም የኢብራሂሞቪች የተሻማ ኳስ ነው።  

አርሜኒያዊውም ተጫዋች እንደ ጂሩድ ኳሷን ቀድሟት የደረሰ ይመስላል። ነገር ግን ወደፊት ሲሳብ ኳሳን እግሩ ወደ ውጭ ወጣ አድርጎ ተረከዙ ላይ ኳሳ ስታርፍ በቄንጠኛ ሁኔታ ግቧን አስቆጥሯታል። 

ምንም እንኳን በድጋሚ ካሜራ በታየ ምስል ኳሷ ከጨዋታ ውጪ (offside) መሆኗ ቢታይም ግቡ ግን በጣም ልዩ ነው።” ሲል የእንግሊዙ ተነባቢ ጋዜጣ የገለፀ ሲሆን ለአንባቢዎቹም ‘የማን ጎል ይበልጣል?’ የሚለውን እንዲመርጡ መጠይቅ (poll) አዘጋጅቷል።

በዘ ሰን በተደረገው የአንባቢዎች ምርጫ (ከላይ በምስሉ ላይ እንደሚታየው) መሰረትም ይህ ዜና እስከተጠናቀረበት ሰአት (ሰኞ ጠዋት 1:50) ድረስ 1,134 ሰዎች ድምፅ የሰጡ ሲሆን 57 በመቶ የሚሆኑት የዢሩድ ጎል የተሻለ ነው በሚል ሲመርጡ የማኪቴሪያን ግብ የ 43 በመቶ መራጮችን ድምፅ አግኝቷል።  

በሌላ በኩል ሜትሮ ጋዜጣ ባሰናዳው (ከላይ እንደሚታየው) ተመሳሳይ የደጋፊዎች ድምፅ መስጫ መድረክ 7,000 የሚሆኑ አንባቢያን የተሳተፉ ሲሆን 63 በመቶ የሚሆኑት ለዢሩድ ጎል ድምፃቸውን ሲሰጡ የማኪቴሪያን ግብ 37 በመቶ ድምፅ አግኝቷል። 

ኢትዮአዲስ ስፖርትም ምርጫዎን የሚሰጡበት ዕድል አዘጋጅታለች። ከታች ባለው ድምፅ መስጫ ድምፅዎን መስጠት ይችላሉ።

Advertisements

ሚኪያስ በቀለ View All

ይህን ዘገባ ያቀረብኩላችሁ የኢትዮአዲስ ስፓርት ኤዲተርና ፀሀፊ እኔ ሚኪያስ በቀለ ነኝ።

%d bloggers like this: