Advertisements
ትኩስ ዜናዎች

በትናንቱ የዌስትሀም ጨዋታ ስታዲየም ውስጥ ራሱን የሳተው የማንችስተር ዩናይትድ ደጋፊ ህይወቱ አልፋለች

በዘውዱ በሬሳ | ታህሳስ 25,2009


ትናንት ምሽት በለንደን ስታዲየም በተካሄደውና ቀያይ ሰይጣኖቹ ተከታታይ ስድስተኛ የሊግ ድላቸውን ባስመዘገቡበት ጨዋታ ከታደሙ የዩናይትድ ደጋፊዎች መካከል አንዱ የሆነው ግለሰብ በጨዋታው መሀል የጤና እክል ገጥሞት ራሱን ከሳተ በኋላ ወደሆስፒታል ተወስዶ የእክምና እርዳታ ቢያገኝም  ህይወቱ አልፋለች፡፡

በሁዋን ማታና ዝላታን ኢብራሂሞቪች ጎሎች ከሜዳው ውጪ ድልን ማስመዘግብ የቻሉት ቀያዮቹ ደስታቸውን ምሉዕ እንዳይሆን ባደረገው ሞት የተሰማቸውን ጥልቅ ሀዘን በይፋዊ ድረ ገፃቸውና የትዊተር ገፃቸው ላይ ገልፀዋል፡፡

ክለቡ በመልዕክቱ ” ሁሉም የማንችስተር ዩናይትድ ማህበረ ሰብ በተሰማው ዜና ጥልቅ ሀዘን ተሰምቶታል።” በማለት ፅፏል፡፡

ተሸናፊው የዌስትሀም ክለብም በተመሳሳይ የሀዘን መልዕክቱን”በማንችስተር ዩናይትዱ ደጋፊ ሞት ጥልቅ ሀዘን የተሰማን ሲሆን ለቤተሰቦቹ ሁሉ መፅናናትን እንመኛለን።” በማለት በትዊተር ገፁ አስፍሯል፡፡

Advertisements
%d bloggers like this: