By Eyob Dadi |ታህሳስ 25 ቀን 2009 ዓም


ሌሲስተር ሲቲ ናይጄሪያዊውን ኢንተርናሽናል ለማስፈረም ስምምነት ላይ መድረሱን አሳወቀ።

የእንግሊዙ ክለብ የ 20 አመቱ ናይጄሪያዊው አማካይ ዊልፍሬድ ኒዲዲን ለማስፈረም ከክለቡ ጌንክ  ጋር ተስማምቷል።ለዝውውሩም 15 ሚ ፓውንድ የሚከፍል ይሆናል።

ተጨዋቹ የስራ ፈቃዱን ካገኘ በኋላ የህክምና ምርመራውን በማድረግ በይፋ የክለቡ ተጨዋች በመሆን እስከ 2022 ድረስ እንደሚፈርም ተረጋግጧል።

በአዲሱ ክለቡም 25 ቁጥር ማሊያ በማድረግ ጠንካራውን የእንግሊዝ ፕሪምየር ጨዋታ ይጀምራል።

ተጨዋቹ በጌንክ በ18 አመቱ ሙከራ በማድረግ ክለቡን የተቀላቀለ ሲሆን ከሁለት አመት በኋላ ከክለቡ ጋር ተለያይቷል።

ዊልፍሬድ ኒዲዲ ለናይጄሪያ ከ 17፣ከ 20 አመት በታች የተጫወተ ሲሆን ለዋናው ቡድን ደግሞ ጥቅምት 2015 ላይ ተሰልፎ ተጫውቷል።

Advertisements