Advertisements
ትኩስ ዜናዎች

አዲስ ግንባታ: ቻፔኮንሴ ቡድኑን ዳግም ማዋቀርና መገንባት ጀምሯል።

በሚኪያስ በ. ወርዶፋ| ሀሙስ ታህሳስ 27, 2009

የእንግሊዙ ተነባቢ ጋዜጣ ዘ ሰን ከክለቡ ሰማሁ ብሎ እንዳወራው የብራዚሉ ቻፔኮንሴ ክለብ ቡድኑን እንደ አዲስ ለመገንባትና በመጪው የብራዚል ሊግ ለመጫወት 20 ተጫዋቾችን ማስፈረም ፈልጓል። 

ባሳለፍነው የህዳር ወር በተከሰተው አስከፊ አደጋ ቻፔኮንሴ ክለብ 19 ተጫዋቾችንና ሌሎች የቡድኑን የአሰልጣኞች ስብስብ አባላት ማጣቱ እና በወቅቱም የቡድኑ አባላት ለኮፓ ሱዳ አሜሪካ የፍፃሜ ጨዋታ ከአትሌቲኮ ናሲዮናል ጋር ለመጫወት ወደ ኮሎምቢያ ሜድሊን እያመሩ እንደነበር ይታወሳል።

ከዛም በአደጋው አብዛኛው አባላታቸውን በማጣታቸው  ለክብራቸው መታሰቢያ እንዲሆን በማሰብ የዋንጫው አሸናፊ ተደርገዋል። አሁን ግን በቀጣዩ ወር  አጋማሽ ለሚጀመረውና ሶስት ሳምንታት ብቻ ለሚቀረው አዲሱ የብራዚል ሊግ ትኩረት እንዲሰጡ ግድ ብሏቸዋል።

እንደ ክለቡ የእግር ኳስ ዳይሬክተር ሩይ ኮስታ ገለፃ ከሆነ ግን ተጫዋቾችን በውሰት ለማምጣት ማቀዳቸው የታወቀ ሲሆን ነገር ግን (ባሳለፍነው ጊዜ በውሰት ለክለቡ ለመጫወት ጥያቄ አቅርቦ በክለቡ ተቀባይነት ላጣው) ለቀድሞው የባርሴሎና አይረሴ ተጫዋች ኮከብ ሮናልዲንሆ ሀሳባቸውን ቀይረው አዲስ የተጫወትልን ጥያቄ ስለማቅረባቸው የታወቀ ነገር የለም።  

ኮስታም “ብዙ የውሰት ጥያቄዎችን ማቅረባችን አይቀርም። ይህም ጥራትን፣ ፍጥነትንና በትንሽ በጀት ብዙ ተጫዋቾችን የማግኘት እድል የሚያመቻችልን አማራጭ ነው። ብዙ ክለቦችም አጋሮቻችን ናቸው።” ሲሉ ሁኔታውን አብራርተዋል።

ኮስታ ሲናገሩ እንደተደመጠውም በአውሮፕላኑ አደጋ ጉዳት አጋጥሟቸው በማገገም ላይ የሚገኙት የቡድኑ ተከላካዮች የአለን ሩሴልና ኔቶ ማሊያ ከዚህ በኃላ በማንም መለበስ እንደማይቀጥልና እንደሚቀመጥ ተነግሯል።

ይህም የሆነበት ምክንያት ለሁለቱ ተጫዋቾች ክብር ከመንፈግ የተነሳ ሳይሆን ተከላካዮቹ አንድ ቀን ከጉዳቱ አገግመው አረንጓዴውን የክለቡ ማሊያ ዳግም ሊያጠልቁ እንደሚችሉ በመገመቱ ነው።

በሌላ በኩል የበረኛው ጃክሰን ፎልማን እግር በአደጋው ቢቆረጥም ሲለብሰው የነበረው ማሊያ ነፃ ተደርጎ ማንም ሳይለብሰው እንዲቀመጥ እንደሚደረግ ታውቋል።

ቻፔኮንሴዎች ጥር 26 ከጆይንቪሌ ጋር የሊጉን የመክፈቻ ጨዋታ ከማድረጋቸው በፊት ዝግጁ ሆነው ለመገኘት በነገው እለት ልምምዳቸውን እንደሚጀምሩ ይጠበቃል። 

ቡድኑም በቀጣዮቹ ሶስት አመታት ወደ ታችኛው ሊግ እንዳይወርድ ያሰጋል ተብሎ የሚወራውን ጭምጭምታ በመቃረን የቀድሞው ቦታቸውን ለማስጠበቅ እንደሚሰሩ የቡድኑ ሀላፊዎች ግልፅ አድርገዋል። 

Advertisements
About ሚኪያስ በቀለ (391 Articles)
ይህን ዘገባ ያቀረብኩላችሁ የኢትዮአዲስ ስፓርት ኤዲተርና ፀሀፊ እኔ ሚኪያስ በቀለ ነኝ።
%d bloggers like this: