Skip to content
Advertisements

የቼልሲ ተከታታይ የማሸነፍ ሩጫ በስፐርሶች ተገታ

By Eyob Dadi|ታህሳስ 26 ቀን 2009 ዓም


ምሽት ላይ በኋይትሀርትሌይን የተደረገው የለንደን ደርቢ የእንግሊዝ ፕሪምየርሊግ ጨዋታ የቼልሲዎች ተከታታይ የማሸነፍ ጉዞ ተገትቷል።

ስፐርሶች ቼልሲዎችን 2-0 ሲያሸንፉ እንግሊዛዊው ዴሊ አሊ ሁለቱንም በማስቆጠር አንጸባርቆ አምሽቷል።

ለጎሎቹ መቆጠር ኳሶችን አመቻችቶ በማሻማት ክርስቲያን ኤሪክሰን ትልቁን ሚና መጫወት የቻለ ቢሆንም የዴሊ አሊ አጨራረስ አስደናቂ ነበር።

አሊ በተከታታይ በተደረጉ 3 ጨዋታዎች ውስጥ ለ 3ኛ ጊዜ ሁለት ጎል ማስቆጠር ሲችል በሊጉም 10ኛ ጎሉ ሆኖ ተመዝግቦለታል።

እንደ ቡድን ስፐርሶች ውጤቱ የሚገባቸው ሲሆን ቼልሲዎች በበኩላቸው ደካማ እንቅስቃሴ እንደነበራቸው በግልጽ የታየ ጨዋታ ሆኖ አልፏል።

በውጤቱም የሰሜን ለንደኑ ስፐርስ ሌላኛውን የሰሜን ለንደኑን አርሰናል እና ሲቲን በመቅደም በ 42 ነጥብ 3ኛ ደረጃ ላይ መቀመጥ ሲችል

ቼልሲዎች በበኩላቸው በነበሩበት 49 ነጥብ ላይ በመቆየት የደረጃውን ሰንጠረዥ ይመራሉ።

Advertisements

ዕዮብ ዳዲ View All

ይህን ጽሁፍ ያዘጋጀሁላችሁ የኢትዮአዲስ ስፓርት ድረገጽ አዘጋጅ እና የስፖርት ፀሀፊ ዕዮብ ዳዲ ነኝ።

%d bloggers like this: