Advertisements
ትኩስ ዜናዎች

ዩናይትዶች ስዊድናዊውን ተከላካይ ለማስፈረም አረንጓዴ መብራት በርቶላቸዋል። 


በሚኪያስ በ. ወርዶፋ| ሰኞ ጥር 1, 2009


የእንግሊዙ ዘ ሚረር ጋዜጣ ከስዊድን ሰማሁ ብሎ እንደፃፈው ከሆነ የሊንድሎፍ የልጅነት ክለብ የሆነው የስዊድኑ ቫስቴራስ እግር ኳስ ክለብም በተጫዋቹ ከሽያጭ በሚገኝ ገቢ ዙሪያ ያለውን ችግር ከቤኔፊካ ጋር በድርድር በመፍታቱ ቀያዮቹ በተከላካዩ ዝውውር ዙሪያ እንቅስቃሴ እንዲያደርጉ አረንጓዴ መብራት በርቶላቸዋል። 

ዩናይትዶች ለስዊድኑ ኢንተርናሽናል በያዝነው ጥር የዝውውር መስኮት ጥያቄ ለማቅረብ ሲያስቡ የተጫዋቹ የቀድሞ ክለብም ከሽያጩ 20 በመቶ የሚሆነውን አገኛለሁ ብሎ ጠብቆ ነበር  ። ይህም ማለት የስዊድኑ ክለብ የሚያገኘው ገንዘብ ወደ 7.2 ሚሊዮን ፓውንድ ይጠጋል እንደማለት ነው። ይህም ለቫስቴራስ አይነት አነስተኛ ክለብ ትልቅ ገቢ ነበር።

ነገር ግን አሁን እንደወጡ ዘገባዎች ከሆነ የስዊድኑ ክለብ ከሽያጩ የሚያገኘውን ገቢ ከ20 በመቶ ወደ 10 በመቶ ለማውረድ ከቤኔፊካ ጋር ተስማምቷል። በዚህም የሊንድሎፍ የሽያጭ ሂደት እንዲቀጥል ከስምምነት ላይ ተደርሷል። 

ጆሴ ሞውሪንሆ ባሳለፍነው ሳምንት መጀመሪያ ተከላካይ እንደማያስፈርሙ ተናግረው የነበረ ቢሆንም ከአፍሪካ ዋንጫ ጋር በተያያዘ የኤሪክ ቤሊ ለሚቀጥሉት አራት ሳምንት በዩናይትድ ቤት ያለመኖሩና የማርኮስ ሮሆ የቅዳሜው የሬዲንግ ጨዋታ ጉዳት የ 53 አመቱ ፓርቹጋላዊ ተጫዋቹን የማዘዋወር እንቅስቃሴ እንዲያደርጉ ውሳጣቸውን አሳምኗቸዋል። 

ሊንድሎፍ በዩናይትድ ቤት ሁለት ቁጥር ማሊያን ይለብሳል ተብሎ የሚጠበቅ ሲሆን 115,000 ፓውንድ በሆነ ሳምንታዊ ደሞዝ በቲአትር ኦፍ ድሪምስ ለአምስት አመት ተኩል የሚያቆየውን የውል ስምምነት ያደርጋል። 

ይህ ዝውውርም ከፓል ፓግባና አንጌል ዲማሪያ ቀጥሎ ሶስተኛው ውዱ የዩናይትድ የተጫዋች ዝውውር ሪከርድ ሆኖ በዩናይትድ ታሪክ ውስጥ ይሰፍራል።  

Advertisements
About ሚኪያስ በቀለ (391 Articles)
ይህን ዘገባ ያቀረብኩላችሁ የኢትዮአዲስ ስፓርት ኤዲተርና ፀሀፊ እኔ ሚኪያስ በቀለ ነኝ።
%d bloggers like this: