Advertisements
ትኩስ ዜናዎች

ሽመልስ በቀለ ከግብፁ አል አህሊ ጋር ስሙ መያያዙን ተከትሎ ለኢትዮአዲስ ስፖርት ምላሹን ሰጥቷል፡፡

ሽመልስ በቀለ ከግብፁ አል አህሊ ጋር ስሙ መያያዙን ተከትሎ ለኢትዮአዲስ ስፖርት ምላሹን ሰጥቷል፡፡ በፈይሰል ኃይሌ ፡ ጥር 3 2009 ዓ.ም ብቸኛው ኢትዮጵያዊ ፕሮፌሽናል ተጫዋች ወደ ታላቁ የግብጽ ክለብ ያመራ ይሆን

image

የግብጹ ክለብ ፔትሮጄት እና የኢትዮጵያ ብሄራዊ ቡድን አማካይ ስፍራ ተጫዋች የሆነው ሽመልስ በቀለ በግብጽ ሊግ ስኬታማ የሚባል   የውድድር ዘመንን እያሳለፈ ይገኛል፡፡ በግብጽ ተወዳጅ የሆነው እና የግብጹ ባርሴሎና እየተሰኘ በቅጽል ስሙ የሚጠራውን ፔትሮ ጄትን በ2014 ከሱዳኑ ኤልሜረክ የተቀላቀለው ሽመልስ በቀለ በእስካሁኑ የክለቡ የ2 አመታት ቆይታ በ34 ጨዋታዎች 10 ግቦችን ከመረብ ማሳረፉን የሁ ስኮርድ ስታት ያሳያል፡፡ በተለይም ባሳለፍነው የፈረንጆች አመት መጨረሻ  በግብጽ ካፕ ክለቡ ፔትሮጄት  አስዮቲ ስፖርትን 1-0  በረታበት ጨዋታ  ብቸኛዋን ግብ ጭንቅላት በማስቆጠር ክለቡን ወደ ቀጣዩ ዙር ማሳለፍ ችሏል፡፡

የግበጽ ሊግ ለአፍሪካ ዋንጫ መቋረጡን ተከትሎ ለእረፍት ወደ ሀገሩ ኢትዮጵያ የተመለሰው ጥበበኛው አማካይ ከኢትዮአዲስ ስፖርት ድረገጽ ጋር አጠር ያለ ቆይታን ያደረገ ሲሆን ሰለግብጽ ቆይታው አና በቅረቡ በስፋት ስሙ ከታላቁ አል አህሊ ጋር መነሳቱን ተከትሎ መልሱን የሰጠ  ሲሆን ሽመልስ በቀለ በምላሹም  “ በግብፅ የእስካሁኑ ቆይታዮ ደስተኛ ነኝ ስለ ዝውውር  እየተወራ ያለው ጭምጭምታ እውነት ነው ወኪሌ ከአል አህሊ ሰዎች ጋር እየተነጋገረ ሲሆን በቅርቡ የሚሆነውን  አብረን አናያለን ሲል ለኢትዮአዲስ ስፖርት ድህረ ገጽ ተናግሯል ”

image

ሽመልስ በቀለ ከግብፁ ክለብ ፔትሮ ጄት ጋር እስከ ሰኔ 2018 ድረስ የሚያቆየው በውል የታሰረ ኮንትራት ያለው ሲሆን የግቡጹ ሀያል ክለብ አል አህሊ ተጫዋቹን ለመውሰድ የሚፈልግ ከሆነ በኮንትራቱ ላይ የቀረበውን የውል ማፍረሻ ለፔትሮ ጄት መክፈል ይኖርበታል፡፡ ለሀዋሳ ከነማ ለቅዱስ ጊዮርጊስ እንዲሁም የሱዳኑ አልሜሪክ እና ለሊቢያው አሊትሀድ ተጫውቶ ያሳለፈ ሽመልስ በቀለ ዝውውሩ ተሳክቶ ታላቁን የግብጽ ክለብአልአህሊን የሚቀላቀል ከሆነ ሳላዲን ሰይድን ተከትሎ ለቀያይ ሰይጣኖቹ መጫወት የቻለ 2ኛው ተጫዋች ያደርገዋል፡፡

Advertisements
About ፈይሰል ኃይሌ (389 Articles)
የኢትዮአዲስ ስፖርት ስራ አስኪያጅ እና የስፖርት ዜናዎች ፀሀፊ
%d bloggers like this: