Advertisements
ትኩስ ዜናዎች

አጫጭር ወሬዎች: የረቡዕ አመሻሽ የአውሮፓ ጋዜጦች የዝውውርና ሌሎች አዝናኝና አጓጊ ወሬዎች 

በሚኪያስ በ. ወርዶፋ |ረቡዕ ጥር 3, 2009

በርንማውዝ የቼልሲውን የ 36 አመት ተከላካይ ጆን ቴሪ በውሰት ለመውሰድ እያሰበ ነው፡፡ (ዴይሊ ቴሌግራፍ)

የክሪስታል ፓላሱ አለቃ ሳም አላርዳይስ ክለባቸውን ማጠናከሪያ ገንዘብ ለማግኘት ሲሉ አጥቂያቸውን ክርስቲያን ቤንቴኬን ለመሸጥ አስበዋል፡፡ (ዴይሊ ሚረር)

የቼልሲው አለቃ አንቶኒዮ ኮንቴ የዌስትሀሙን ሚካኤል አንቶኒንና የስዋንሲውን አጥቂ ፈርናንዶ ሎረንቴን ማስፈረም ፈልገዋል፡፡ (ዴይሊ ሜይል)

አርሰናል አሌክሲስ ሳንቼዝና ሜሶት ኦዚል አዲስ ኮንትራት ላይፈራረሙና በመጪው ክረምት ክለቡን ሊለቁ ይችላሉ በማሰብ ጭንቀት ላይ ነው፡፡ (ዴይሊ ስታር)

የሊቨርፑሉ ማሜዱ ሳኮ ወደ ሳውዝአምፕተን ማምራትን መርጧል፡፡ (ታይምስ)

ፒኤስጂ በአርሰናል፣ ሊቨርፑል፣ ሲቲና ዌስትሀም የሚፈለጉትን ጄሲ ሮድሪጌዝንና ግሪጎርዝ ራቾያክን ወደሚፈልጉበት እንዲያመሩ ነፃ ሊያደርጋቸው ነው፡፡ (ዘ ሰን)

ሊቨርፑል የባየር ሊቨርኩሰኑን ክንፍ ተጫዋች ጁሊያን ብራንዴትን በጥብቅ እየተከታተለ ነው፡፡ (ዴይሊ ሚረር) 

ክሎፕ በያዝነው ጥር ለዝውውር የሚያውሉት 40 ሚሊዮን ፓውንድ ተመድቦላቸዋል፡፡ (ቢልድ ዴይሊ ስታርን ጠቅሶ እንደፃፈው)

ቦርሲያ ዶርትሙንዶች በጌዲዮን ዘላላም ዝውውር ዙሪያ ዛሬም ከአርሰናል ጋር ድርድር ላይ ናቸው፡፡ (ጋርዲያን)

የአትሌቲኮው አለቃ ዲያጎ ሲሞኔ የክረምት ተቀዳሚ የዝውውር ኢላማቸው አሌክሲ ሳንቼዝ መሆኑ ታወቀ። (ዴይሊ ሚረር)

በሌላ በኩል መድፈኛቹ የ 23 አመቱን የሻልክ ተከላካይ ሲአድ ኮላሲናክን ለማስፈረም ፈልገዋል፡፡ (ቱቶ መርካቶ)

የዩናይትዱ አማካኝ ሞርጋን ሽንደርሊን በኤቨርተን ቤት የህክምና ምርመራ እያደረገ ነው። (ዘ ሰን)

በመጨረሻም …

የባርሴሎናው ዳይሬክተር ኦስካር ግራሁ ክለባቸው አዲሱን የሜሲ የውል ስምምነት ገንዘብ መክፈል እንደሚከብደውና ሜሲ ክለቡን ሊለቅ እንደሚችል ፍንጭ ሰጡ። (ዘ ሰን) 

የሌስተር ሲቲው አጥቂ ጂሚ ቫርዲ የወንድ ልጅ አባት ሆነ። (ዴይሊ ስታር)

በአርጀንቲና ቦነስአይረስ የሚገኘው የሜሲ ሀውልት የጭንቅላትና እጅ ክፍል ተነቃቅሎ ተወሰደ። (ዘጋርዲያን) 

Advertisements
About ሚኪያስ በቀለ (205 Articles)
ይህን ዘገባ ያቀረብኩላችሁ የኢትዮአዲስ ስፓርት ኤዲተርና ፀሀፊ እኔ ሚኪያስ በቀለ ነኝ። በዚህ https://mobile.facebook.com/mikiyas.bekele1?ref_component=mbasic_home_header&ref_page=%2Fwap%2Fpage_admin.php&ref=opera_speed_dial የፌስቡክ አድራሻ ሊያገኙኝ ይችላሉ።
%d bloggers like this: